Epaper
సినిమావాళ్లు ఏం చెప్పినా కాస్త అతిగానే ఉంటుంది. మరీ ముఖ్యంగా కెమెరా ముందు వాళ్లు మాట్లాడే విధానం చూస్తే అంతుందా అనిపిస్తుంది. కృష్ణవంశీ కోటరీ చెబుతున్న మాటలు చూస్తే ఇప్పుడు అలానే ఫీలవ్వాల్సి వస్తోంది. వాళ్లు చెబుతున్నదేంటంటే.. ఈసారి కృష్ణవంశీ బ్లాక్ బస్టర్ ఇస్తాడట.
నక్షత్రం సినిమాతోనే కృష్ణవంశీ టాలెంట్ ఏంటో చూశాం. అతడిలో “విషయం” అయిపోయిందనే విషయం ఆ సినిమా చూసినవాళ్లందరికీ ఆర్థమైంది. అప్పుడెప్పుడో వచ్చిన ఖడ్గం దగ్గరే అతడి ఆలోచనలు ఆగిపోయాయాయి. అలా నక్షత్రంతో డిజాస్టర్ తెచ్చుకున్న ఈ దర్శకుడు.. ఇప్పుడు గోపీచంద్ కోసం అద్భుతమైన కథ రెడీ చేశాడట. మరోసారి క్రియేటివిటీ చూపించి, బ్లాక్ బస్టర్ ఇస్తాడట.
గతంలో కృష్ణవంశీ, గోపీచంద్ కలిసి మొగుడు అనే సినిమాకు వర్క్ చేశారు. అది సూపర్ హిట్ అయితే ఈ నయా ప్రాజెక్టుపై కూసింత క్రేజ్ క్రియేట్ అయ్యేది. కానీ మొగుడు సినిమా కూడా డిజాస్టరే. పోనీ గోపీచంద్ ఈమధ్య కాలంలో ఏమైనా హిట్స్ కొట్టాడా అంటే అది కూడా లేదు.
ఇలాంటి కాంబినేషన్ పెట్టుకొని బ్లాక్ బస్టర్ గ్యారెంటీ అంటూ మాటలు చెబుతుంటే ఎవరికైనా నవ్వు రాక తప్పదు. కృష్ణవంశీ-గోపీచంద్ మధ్య చర్చలు పూర్తయ్యాయని, త్వరలోనే ప్రాజెక్టును 'గ్రాండ్'గా ఎనౌన్స్ చేస్తామని సదరు వ్యక్తులు చెబుతుంటే కొంతమంది సినీజనాలు పక్కకెళ్లి మరీ నవ్వుకుంటున్నారు. “పాపం.. ఈసారి ప్రొడ్యూసర్ ఎవరో” అంటూ పంచ్ లేస్తున్నారు.