Epaper
తండ్రి పెద్ద ప్రొడ్యూసర్ అయినా కెరీర్ ఏమీ సర్రున ముందుకు సాగలేదు సుమంత్ అశ్విన్ కు. ఆ మధ్య సీనియర్ డైరక్టర్ వంశీ మీద బోలెడు ఆశలు పెట్టుకున్నాడు. ఫ్యాషన్ డిజైనర్ సినిమా కాస్తా ఢమాల్ అంది. ఏవో వెబ్ సిరీస్, ఇలా చేస్తూ వస్తున్నాడు. ప్రభాస్ బ్యానర్ యువి వాళ్లు ఓ సినిమా ప్లాన్ చేసారు. అది కాస్త నడుస్తోంది.
ఇలాంటి టైమ్ లో కుర్రాడికి మరో సినిమా వచ్చింది. ఎప్పుడో సుధీర్ బాబుకు హిట్ ఇచ్చిన ప్రేమ కథా చిత్రమ్ సీక్వెల్ ఈరోజు ప్రారంభమైంది. ఈ సినిమాలో హీరోగా సుమంత్ అశ్విన్ ను తీసుకున్నారు. లాంఛనంగా ఇవ్వాళ పూజ చేసేసారు. నిర్మాత సుదర్శన్ రెడ్డినే డైరక్టర్ కూడా. ఆ మధ్య సునీల్ జక్కన్న సినిమా తీసి చేతులు కాల్చుకున్నారు ఈయనే.
ప్రేమకథాచిత్రం పార్ట్ వన్ తీసిన ఈయన జక్కన్న తరువాత చాలా కాలం గ్యాప్ తీసుకుని, ఇప్పుడు ప్రేమకథాచిత్రం సీక్వెల్ స్టార్ట్ చేసారు. మరి ప్రేమకథాచిత్రమ్ 2 అంటూ తయారయ్యే ఈ సినిమాకు టైటిల్ ను మాత్రమే వాడుకుంటున్నారా? లేక ఆ కథకు నిజంగానే సీక్వెల్ చేస్తున్నారా? అన్నది తెలియాల్సివుంది.