కేవిపిగా రావు రమేష్

వైఎస్ బయోపిక్.. యాత్ర పనులు తెరవెనుక నెమ్మదిగా సాగుతున్నాయి. వైఎస్ పాత్ర ఎంత కీలకమో, ఆయన ఆత్మ లాంటి కేవిపి పాత్ర కూడా అంతే కీలకం. వైఎస్ పాత్రకు మమ్ముట్టిని తీసుకున్నారు.

వైఎస్ జగన్ పాత్రకు తమిళ సూపర్ స్టార్ సూర్య ఆల్ మోస్ట్ ఓకె. చిన్న చిన్న రోడ్ బ్లాక్స్ వున్నాయి. అవి సెట్ అయిపోతాయని థీమాగా వున్నారు నిర్మాత, దర్శకులు. అయితే మరి కేవిపి పాత్రకు ఎవరు?

అది కూడా ఫైనల్ అయిపోయింది. ఆ పాత్రకు రావు రమేష్ ను తీసుకుంటున్నారు. దాదాపు సినిమాలో కీలకమైన పాత్రల్లో ఇది ఒకటి. దీనికి రావు రమేష్ ను అనుకోవడం సరైనదే అనుకోవాలి. ఎందుకంటే నటనకు బోలెడు స్కోప్ వున్న పాత్ర.

నిజానికి ప్రకాష్ రాజ్ కూడా ఈ మధ్య భరత్ అనే నేనులో కేవిపిని గుర్తు చేసేలా నటించాడు. అయితే యాత్ర కోసం చాలా రోజులు డేట్స్ కావాలి. అన్ని రోజులు ప్రకాష్ రాజ్ అంటే కష్టం కావచ్చు. పైగా రావు రమేష్ కూడా ఇప్పుడు అన్ని విధాలా సెటిల్డ్ గా చేస్తున్నాడు. అందుకే ఆయనను ఫైనల్ చేసుకున్నట్లు బోగట్టా.