Epaper
ఇండస్ట్రీకి ఇప్పుడు పెద్ద దిక్కలు లేరు. పైగా ఉన్న ఒకరిద్దరి కన్నా, యంగ్ టాప్ హీరోలకు వున్న క్రేజ్ వేరు. వాళ్లు వస్తే, ఫంక్షన్ లకు వచ్చే కళ వేరు. అలా జరిగితే ఆ సినిమాలకు వచ్చే బజ్ వేరు.
అందుకే ఇప్పుడు టాప్ హీరోలను ఫంక్షన్ లకు గెస్ట్ గా మారుస్తున్నారు. భరత్ అనే నేను సినిమాకు చీఫ్ గెస్ట్ గా హాజరయిన ఎన్టీఆర్ మళ్లీ మరో సినిమాకు అలాగే వస్తున్నాడు. వైజయంతీ మూవీస్, స్వప్న సినిమాస్ లేటెస్ట్ సినిమా మహానటి. అలనాటి మేటి నటీమణి సావిత్రి బయోపిక్ ఇది.
ఈ సినిమా ఆడియో ఫంక్షన్ ఈరోజు జరగబోతోంది. ఈ ఫంక్షన్ కు ఎన్టీఆర్ చీఫ్ గెస్ట్ గా ఆహ్వానించారు. వాస్తవానికి ఎన్టీఆర్ ను ఈ సినిమాలో తాత, మహానటుడు ఎన్టీఆర్ పాత్ర పోషించమన్నారు. కానీ ఆయన సుతారంగా తిరస్కరించారు. ఆ వైనం దృష్టిలో వుంచుకుని ఫంక్షన్ కు మాత్రం వస్తున్నారని తెలుస్తోంది.
మహానటి సినిమాకు ఇప్పటికే మాంచి బజ్ వచ్చింది. ఇప్పటి వరకు వదిలన పోస్టర్లు, లుక్ లు, టీజర్లు అన్నీ కలిసి జనాలకు కాస్త ఆసక్తి కలిగించాయి. ఈరోజు ట్రయిలర్ వస్తే ఎలా వుంటుందో చూడాలి.