మహేష్ జోరు పెంచాడా?

శేఖర్ కమ్ములను లైన్ లోకి తీసుకున్నాడు మహేష్ బాబు అంటూ వార్తలు గుప్పు మన్నాయి. ఈ మేరకు శేఖర్ కమ్ముల స్క్రిప్ట్ రెడీ చేస్తున్నాడని టాక్ వచ్చేసింది. అదిగో లైన్ అంటే ఇదిగో స్క్రిప్ట్ అనడం మామూలే కదా. అయితే మరి మహేష్ బాబు బ్రహ్మోత్సవం ఓ కొలిక్కి రాగానే, త్రివిక్రమ్ సినిమాకు డేట్లు ఇస్తానన్నాడని మరో టాక్ వుండనే వుంది. 

అంటే శ్రీమంతుడు విడుదల కాకుండానే మూడు సినిమాలకు ఏర్పాట్లు చేస్తున్నాడన్నమాట. మహేష్ సినిమాలకు నిర్మాతల సమస్య లేదు. పైగా ఆయన స్వంత బ్యానర్ కూడా స్టార్ట్ చేసాడు. మరోపక్క భవ్య సంస్థ, హారిక హాసని కి కమిట్ మెంట్ లు వున్నాయి. పివిపితో బ్రహ్మోత్సవం..హారిక హాసినికి త్రివిక్రమ్. అంటే భవ్య సినిమాకు శేఖర్ కమ్ములను సెట్ చేస్తారేమో? 

ఈ సెట్టింగ్ ల సంగతి ఎలా వున్నా, మొత్తం మీద మహేష్ జోరు పెంచినట్లు కనిపిస్తోంది. పెద్ద హీరోలు ఒక సినిమా పూర్తయి, విడదలయై, విశ్రాంతి తీసుకున్నాక కానీ, మరొ సినిమా గురించి ఆలోచించడం లేదు. అలాంటిది నాలుగు సినిమాల మీద దృష్టి పెట్టాడు అంటే జోరు పెంచాలనుకుంటున్నట్లే వుంది.