Epaper
శ్రీమంతుడు సినిమా చూసిన తరువాత జగపతి బాబు చేసిన ఫాదర్ క్యారెక్టర్ అల్టిమేట్ గా నిలిచిపోయింది. అలాంటి మాంచి తండ్రీ కొడుకుల్ని దర్శకుడు అనిల్ రావిపూడి ఇప్పుడు భద్ర శతృవులుగా మార్చేసాడు. సూపర్ స్టార్ మహేష్ తో చేయబోయే సినిమాలో జగపతిబాబు నటనకు, ప్రతిభా ప్రదర్శనకు బోలెడు చోటు వున్న అద్భుతమైన విలన్ క్యారెక్టర్ పోషిస్తున్నట్లు తెలుస్తోంది.
దిల్ రాజు-అనిల్ సుంకర సంయుక్త నిర్మాణంలో ఇప్పుడు ఫుల్ ఫామ్ లో వున్న డైరక్టర్ అనిల్ రావిపూడి ఓ సినిమా స్టార్ట్ చేయబోతున్న సంగతి తెలిసిందే. ఈ సినిమాలో కీలకమైన విలన్ పాత్రకు జగపతి బాబును తీసుకున్నట్లు బోగట్టా.
ఇప్పటికే చాలా సినిమాల్లో జగపతి బాబు మాంచి విలన్ క్యారెక్టర్లు ఫోషించారు. అయితే అవన్నీకాస్త లౌడ్ గా వుంటాయి. ఇటీవలే అరవింద సమేతలో భయపెట్టే రేంజ్ లో విలనిజం పండిచాడు. కానీ ఈ క్యారెక్టర్ మాత్రం పెర్ ఫార్మెన్స్ బేస్డ్ గా వుంటుందని తెలుస్తోంది.