మహేష్ పేరుతో బెల్లంకొండ

బెల్లంకొండ శ్రీనివాస్-తేజ కాంబినేషన్ లో ప్లాన్ చేసారు ఓ సినిమాను. ఈ సినిమాకు రెండు విశేషాలున్నాయని తెలుస్తోంది. ఒకటి ఆ మధ్యనే నేనే రాజు నేనే మంత్రి అంటూ ఓ సినిమా అందించారు తేజ. ఆ సినిమాలో హీరో రాధా జోగేంద్ర. అంటే తను ప్రాణప్రదంగా ప్రేమించిన అమ్మాయి పేరును తన పేరు ముందు పెట్టుకుంటాడు. ఇప్పుడు ఈ సినిమాలో కూడా అంతే. హీరో పేరు రామ్.

హీరోయిన్ పేరు సీత. వెరసి సీతారామ్ అన్నమాట. ఇంకో ముచ్చట ఏమిటంటే, హీరో మహేష్ తో తేజ ఓ సినిమా చేసారు. నిజం అనే టైటిల్ తో. ఆ సినిమాలో హీరో పేరు కూడా సీతారామ్ నే.

ఇదిలా వుంటే నేనే రాజు నేనే మంత్రిలో మాదిరిగానే ఈ సినిమాలోనూ, హీరోయిన్ జోలికి వచ్చినా, ఆమెపై ఈగవాలినా అస్సలు సహించలేని పాత్రలో హీరో బెల్లంకొండ కనిపిస్తాడట. ఈ సినిమాలో హీరోయిన్ గా కాజల్ నటిస్తోంది. కాజల్ ధనవంతురాలిగా, హీరో అనాధగా కనిపిస్తారని తెలుస్తోంది.