Epaper
శాశ్వత మిత్రులు-శాశ్వత శతృవులు ఎవ్వరూ, ఎక్కడా వుండరు. టాలీవుడ్ లో కూడా అంతే. ఆ మధ్య ఇద్దరు నిర్మాతల మధ్య చిన్న వివాదం వచ్చింది. చాలా మంది టాలీవుడ్ జనాల మాదిరిగానే ఈ ఇద్దరికీ కూడా కాసినోలకు వెళ్లే అలవాటు వుంది.
అలా కాసినోలకు వెళ్లినపుడు వీళ్ల డబ్బులు వాళ్లు, వాళ్ల డబ్బులు వీళ్లు అడ్జస్ట్ మెంట్ చేసుకోవడం కూడా అలవాటే.అలా ఓ నిర్మాత నుంచి మరో నిర్మాత తీసుకున్న డబ్బులు వెనక్కు రాక, ఆ పై మాటా మాటా వచ్చి, ఆఖరికి పోలీస్ స్టేషన్ గుమ్మం వరకు వెళ్లారు ఇద్దరూ అని గుసగుసలు వినిపించాయి.
కట్ చేస్తే, ఇప్పుడు లేటెస్ట్ గ్యాసిప్ ఏమిటంటే, ఆ ఇద్దరు నిర్మాతలు కలిసి మళ్లీ చెట్టా పట్టాలేసుకుని, ఛలో శ్రీలంక అంటూ కాసినోలకు వెళ్లినట్లు తెలుస్తోంది.ఇద్దరూ కలిసి బాగా ఆఢేసి, బాగా డబ్బులు వచ్చేస్తే, అక్కడే బాకీ సెటిల్ అయిపోతుందేమో? కల్లు పాక దగ్గర బాకీ అక్కడే చెల్లుబాటు కావాలన్నది వెనకటికి సామెత. కాసినో దగ్గర బాకీ కాసినో దగ్గరే వసూలు అవుతుందేమో?