మళ్లీ మరోస్సారీ.. విఐ ఆనంద్

విఐ ఆనంద్ టైగర్ అనే సినిమా తీసినపుడు, ఫరవాలేదు ఇతగాడి దగ్గర కొంచెం విషయం వున్నట్లుంది అనుకున్నారు ఇండస్ట్రీ జనాలు. ఎక్కడికిపోతావు చిన్నవాడా స్క్రిప్ట్ పట్టుకుని ఇద్దరు ముగ్గురు దగ్గరకు వెళ్తే బాగుందికానీ, అతగాడి మీద అంత పెట్టగలమా అనుకున్నారు. ఆఖరికి నిఖిల్ దాన్ని టేకప్ చేసాడు. పెద్ద హిట్ అయింది. 

దాంతో గీతాఆర్ట్స్ సంస్థ టుక్కున లాగేసింది. అల్లు బ్రదర్స్ ఇద్దరి కోసం రెండు అడ్వాన్స్ లు అందేలా చేసింది. ఒక్కక్షణం అంటూ ఇప్పుడు మళ్లీ మరో డిఫరెంట్ సినిమాను అందిస్తున్నాడు ముందుగా. ఈ సినిమాను అల్లు శిరీష్ కోసం చేస్తున్నాడు ఆనంద్. ఆ తరువాత బన్నీ అడ్వాన్స్ వుంది.

ఒక్కక్షణం ఫస్ట్ లుక్ బయటకు వచ్చింది. మళ్లీ ఎక్కడికి పోతావు చిన్నవాడా స్టయిల్ గుర్తుకువస్తోంది. అలాంటిదే ఏదో చేస్తున్నట్లు కనిపిస్తోంది. జోనర్ కాస్త ఇంట్రెస్టింగ్ గా వుండేలాగే వుంది. ఎంత నమ్మకం లేకపోతే అరవింద్ ఈ సినిమాను అఖిల్, నాని లాంటి హీరోల సినిమాల మీద వదలడానికి ఒకె అంటారు. అంటే సమ్ థింగ్ వుందనే అనిపిస్తోంది.