మరో కామెడీ లాయర్ రెడీ

కోర్టులో లాయర్లతో కామెడీ పండిస్తే ఓ లెక్కలో ఎంజాయ్ చేస్తారు జనాలు. గతంలో దోచేయ్ సినిమాలో సప్తగిరి లాయర్ వేషం వేసి పండించిన కామెడీ సూపర్ గా పండింది. ఆ ఊపుతోనే జాలీ ఎల్ ఎల్ బి సినిమాను తెలుగులో చేసేసాడు సప్తగిరి. అయితే కామెడీ తో పాటు పాటలు ఫైట్లు చేయడంతో జనం పక్కన పెట్టారు. అదంతా వేరే సంగతి.

మళ్లీ మరో కమెడియన్, ఇలాంటి లాయర్ గెటప్ లో నవ్వులు పంచడానికి వస్తున్నాడు. మైడియర్ మార్తాండం అంటూ నిర్మిస్తున్న ఫుల్ లెంగ్త్ కామెడీ సినిమాలో పృధ్వీ అరకొర చదువుల లాయర్ గా కనిపిస్తాడు.

పాటలు, ఫైట్లు కాకుండా కేవలం కామెడీ మీదనే కాన్సన్ ట్రేట్ చేస్తూ తీస్తున్న సినిమా ఇది. పృధ్వీనే కీలకం మిగిలిన వారంతా కొత్త వాళ్లు, చిన్న నటులే ఎక్కువగా నటించారు.  ఈ సినిమా టీజర్ బయటకు వదిలారు. మరీ కొత్త సీన్లు కనిపించకపోయినా, కామెడీ మాత్రం పుష్కలంగా వుంది. కొత్త దర్శకుడు హరీష్ దర్శకత్వం వహించిన ఈ సినిమా ప్రచారాన్ని ఇటీవలే వైకాపా అధ్యక్షుడు జగన్ మోహన్ రెడ్డి ఆవిష్కరించారు.