Epaper
ఇక్కడ ఎన్టీఆర్ బయోపిక్‌ను నందమూరి బాలయ్య అనౌన్స్ చేయగానే… తనూ ఎన్టీఆర్ మీద సినిమా తీస్తానని ప్రకటించాడు. దానికి వివాదాస్పద పేరుపెట్టి రచ్చ చేశాడు. ఫస్ట్ లుక్ కూడా విడుదల చేశాడు. ఇక రచ్చ రచ్చే అని ప్రకటించుకున్నాడు. తెలుగుదేశం వాళ్లలో వర్మ అలా గుబులు పుట్టించాడు. నిజంగానే వర్మ సినిమా తీస్తాడేమో అని వారు హడలిచచ్చారు. ఎన్టీఆర్ జీవితంలోకి లక్ష్మీపార్వతి ఎంటర్ అయిన దగ్గర నుంచి తన సినిమా అని వర్మ ప్రకటించేసి దుమారం రేపాడు.
అయితే ఆ సినిమా గాలికిపోయింది. అది ఉత్తుత్తి ప్రకటనగానే మిగిలిపోయింది. ఇలా ఫస్ట్ లుక్స్‌తోనే సినిమాలను గాలికి వదిలేయడం వర్మకు కొత్త ఏమీకాదు. అదేరీతిన ఎన్టీఆర్ పై సినిమా కూడా వర్మ ప్రచార ఆర్భాటంగా నిలిచింది. వార్తల్లో ఉండటానికి వర్మ వేసిన ఎత్తుగడగా ఎన్టీఆర్ పై సినిమా నిలిచింది.
అదే అనుకుంటే… ఇప్పుడు సంజయ్ దత్ మీదపడ్డాడు వర్మ. ఇక్కడ ఎన్టీఆర్ బయోపిక్ ను బాలయ్య అనౌన్స్ చేయగానే వర్మ రచ్చ మొదలుపెట్టాడు. అక్కడ ఇప్పటికే సంజయ్ దత్ బయోపిక్ ‘సంజూ’ వచ్చేయగా వర్మ దాన్ని తిరిగి తీస్తానని అంటున్నాడు. సంజయ్ దత్ జీవితంలోని వాస్తవాలను చూపుతానని, సంజయ్ దత్ సినిమాలో చూపించినంతటి మంచోడు కాదని వర్మ అంటున్నాడు.
దీంతో దత్ ఫ్యామిలీ ఉలికిపడుతోంది. ఈ విషయంపై దత్ చెల్లెలు రియాక్ట్ అయ్యింది. ఎందుకు మమ్మల్ని వర్మ టార్చర్ చేయాలని అనుకుంటున్నాడు? అని ఆమె ప్రశ్నించింది. అయితే దత్ ఫ్యామిలీ మరీ భయపడాల్సిన అవసరం లేదేమో. ఎందుకంటే.. వర్మ ఇలాంటి ప్రకటనలు మాత్రమే చేస్తాడు, సినిమాలు చేసేంత సీన్ అతడికి లేదని త్వరలోనే వాళ్లకూ తెలిసే అవకాశం ఉంది.