మెగా హీరోల‌తో ‘గూండే’ రీమేక్‌?!

తెలుగులో మ‌ల్టీస్టార‌ర్ సినిమాల‌కు గేట్లు తెరుచుకొన్నాయి. క‌థానాయ‌కులు క‌లిసి న‌టించేందుకు ఎంతో ఉత్సాహం చూపిస్తున్నారు. అందుకే ద‌ర్శకులు, ర‌చ‌యిత‌లు మ‌ల్టీస్టార‌ర్ క‌థ‌ల్ని సిద్ధం చేసుకొనే ప‌నిలో ప‌డ్డారు. త్వర‌లోనే మెగా క‌థానాయ‌కులు రామ్‌చర‌ణ్‌, అల్లు అర్జున్ క‌థానాయ‌కులుగా ఓ చిత్రం తెర‌కెక్కబోతోంద‌ని ఫిల్మ్‌న‌గ‌ర్‌లో ప్రచారం సాగుతోంది. 

హిందీలో విజ‌య‌వంతంగా ప్రద‌ర్శిత‌మ‌వుతున్న  `గూండే`ని తెలుగులో మెగా క‌థానాయ‌కుల‌పై తీసేందుకు స‌న్నాహాలు జ‌రుగుతున్నట్టు తెలుస్తోంది. ఇదివ‌ర‌కు `చింత‌కాయ‌ల ర‌వి` ఫేమ్ యోగి  ద‌ర్శక‌త్వంలో మెగా మ‌ల్టీస్టార‌ర్ తెర‌కెక్కబోతోంద‌ని ప్రచారం సాగుతోంది. రామ్‌చ‌ర‌ణ్ న‌టించిన `తుఫాన్` చిత్రానికి యోగి స‌హ‌కారం అందించారు. ఆ అనుబంధంతోనే యోగి మెగా క‌థానాయ‌కుల‌తో సినిమా చేయ‌బోతున్నట్టు తెలుస్తోంది. 

ప్రస్తుతం `గూండే` రీమేక్ హ‌క్కుల కొనుగోలు గురించి సంప్రదింపులు జ‌రుగుతున్నట్టు తెలుస్తోంది. గీతా ఆర్ట్స్ ప‌తాకంపైనే ఈ చిత్రం తెర‌కెక్కే అవ‌కాశాలున్నట్టు తెలిసింది. ఇటీవ‌ల  చ‌ర‌ణ్-అల్లు అర్జున్  క‌లిసి న‌టించిన `ఎవ‌డు` విజ‌య‌వంత‌మైంది. దీంతో త‌దుప‌రి ప్రాజెక్టుపై మ‌రిన్ని అంచ‌నాలు ఏర్పడే అవ‌కాశం ఉంది.