నిఖిల్ సెంటిమెంట్‌తో కొట్టాడు

సినిమావాళ్లకు సెంటిమెంట్లు జాస్తి. హిట్టు సినిమాని ఏయే అంశాలు వ‌ర్కవుట్ అయ్యాయో చూసుకొని వాటినే మ‌ళ్లీ మ‌ళ్లీ రిపీట్ చేస్తుంటారు. ఏ పుట్టలో ఏపాముందో .. అనుకొంటూ. ప్రస్తుతం యంగ్ హీరో నిఖిల్ కూడా అదే బాట‌ప‌ట్టాడు. త‌న తాజా చిత్రం సూర్య వర్సెస్ సూర్య మార్చి 6న విడుద‌ల చేస్తున్నారు. 6నే ఎందుకంటే ఆ రోజున హోలీ. హోలీ అయితే ఏంటంటారా..???  నిఖిల్ తొలి హిట్ స్వామి రారా అదే రోజు విడుద‌లైంది. 

ఆ త‌ర‌వాత కార్తికేయ దీపావ‌ళికి వ‌చ్చింది. రెండు ప‌ర్వదినాల రోజున వ‌చ్చిన త‌న సినిమాలు సూప‌ర్ హిట్టయ్యాయి. అందుకే ఇప్పుడు సూర్య వర్సెస్‌సూర్య కూడా అదే రోజున విడుద‌ల చేస్తున్నాడ‌ట‌. ''తొలి విజ‌యం అందించిన కార్తికేయ హోలీ రోజున వ‌చ్చింది. ఇప్పుడు సూర్య వ‌ర్సెస్‌ సూర్యకూడా అదే రోజున విడుద‌ల చేస్తున్నాం. అంతా మంచే జ‌రుగుతుంద‌న్న న‌మ్మకం ఉంది'' అంటున్నాడీ యంగ్ హీరో. ఈసెంటిమెంట్ వ‌ర్కవుట్ అయితే మ‌నోడు హ్యాట్రిక్ కొట్టేసిన‌ట్టే.