Epaper
తన నెక్ట్స్ సినిమాలో హీరో ఎవరైనా, కథ ఏదైనా అందులో గ్రాఫిక్స్ ఉండవని ఇంతకుముందే స్పష్టంచేశాడు దర్శకుడు రాజమౌళి. అలా చెప్పిన కొన్ని రోజులకే ఎన్టీఆర్, రామ్ చరణ్ హీరోలుగా మల్టీస్టారర్ ప్లాన్ చేశాడు. మరి ఈ భారీ ప్రాజెక్టులో గ్రాఫిక్స్ ఉండవా..?
నిజమే.. చెర్రీ, తారక్ మల్టీస్టారర్ మూవీలో గ్రాఫిక్స్ ఉండవు. గ్రాఫిక్స్ కంటే ఎమోషన్స్ కు ఎక్కువ ఇంపార్టెన్స్ ఇస్తూ ఈ సినిమా స్క్రీన్ ప్లే అల్లుతున్నారు. ఈ మేరకు రాజమౌళి, విజయేంద్రప్రసాద్ మధ్య జోరుగా చర్చలు సాగుతున్నాయి.
ఈ మల్టీస్టారర్ సినిమాకు సంబంధించి తమ క్యారెక్టర్స్ ఏంటనే విషయంపై ఇప్పటికే రామ్ చరణ్, ఎన్టీఆర్ కు ఫుల్ క్లారిటీ ఇచ్చాడు రాజమౌళి. కంప్లీట్ స్క్రీన్ ప్లే సిద్ధమైన తర్వాత మరోసారి ఇద్దరికీ వినిపించబోతున్నాడు. ఈ సినిమాలో డ్రామా మాత్రమే ఉంటుంది. గ్రాఫిక్స్ ఉండవనే విషయాన్ని హీరోలిద్దరికీ స్పష్టంచేశాడట. రాజమౌళి బ్యాచ్ ఈ విషయాన్ని నిర్థారించింది.
అయితే సినిమాలో గ్రాఫిక్స్ లేకపోయినా యాక్షన్ పార్ట్ కు మాత్రం ఢోకా ఉండదు. ఎలాంటి ప్రయోగాలకు పోకుండా హై ఎమోషన్స్, భారీ యాక్షన్ సీక్వెన్సులతో పక్కా కమర్షియల్ మూవీ సిద్ధం చేస్తున్నాడు జక్కన్న.