ఎన్టీఆర్ సరసన మరోసారి సమంత?

జనతా గ్యారేజ్ సినిమాతో మరోసారి హిట్ పెయిర్ అనిపించుకుంది ఎన్టీఆర్-సమంత జోడీ. తారక్ కెరీర్ లో బిగ్గెస్ట్ హిట్ గా నిలిచింది ఈ సినిమా. కేవలం కమర్షియల్ హిట్ మాత్రమే కాదు, ఎన్టీఆర్ కు సంథింగ్ స్పెషల్ మూవీగా కూడా నిలిచింది. అందుకేనేమో సెంటిమెంట్ కొద్దీ సమంతను మరోసారి తన సినిమాలో హీరోయిన్ గా తీసుకోవాలని అనుకుంటున్నాడు ఎన్టీఆర్. ప్రస్తుతం బాబి దర్శకత్వంలో జై లవకుశ అనే సినిమా చేస్తున్నాడు ఎన్టీఆర్. ఈ సినిమాలో మెయిన్ హీరోయిన్ గా సమంతను అనుకుంటున్నారట.

జై లవకుశ సినిమా ఇప్పటికే సెట్స్ పైకి వచ్చింది. అయితే హీరోయిన్లను మాత్రం ఇంకా సెలక్ట్ చేయలేదు. సినిమాలో ముగ్గురు భామలకు చోటుంది. ఒక హీరోయిన్ గా రాశిఖన్నాను ఇప్పటికే ఫిక్స్ చేశారు. మరో హీరోయిన్ గా నివేదా థామస్ పేరును పరిశీలిస్తున్నారు. ఇక మిగిలిన మెయిన్ హీరోయిన్ పాత్ర కోసం సమంతను సంప్రదిస్తున్నారట.

జనతా గ్యారేజ్ తర్వాత కాస్త గ్యాప్ తీసుకున్న సమంత, త్వరలోనే 2 భారీ ప్రాజెక్టులు ఎనౌన్స్ చేస్తానని గతంలో ప్రకటించింది. ఇందులో భాగంగా రామ్ చరణ్ – సుకుమార్ సినిమాలో ఆమె హీరోయిన్ గా ఎంపికైంది. ఇక మిగిలిన ఆ రెండో భారీ సినిమా ఎన్టీఆర్ దే అయి ఉండొచ్చని టాక్ నడుస్తోంది.