Epaper
అధికారికంగా కాస్ట్‌లీయస్ట్‌ తెలుగు ఫిలిం అని, అనధికారికంగా 70 కోట్ల వరకు బడ్జెట్‌ అయిందని ‘1 నేనొక్కడినే’ గురించి చాలా విన్నాం. బ్రేక్‌ ఈవెన్‌ అవ్వాలంటేనే యాభై అయిదు కోట్లకి పైగా షేర్‌ థియేటర్స్‌ నుంచే రావాలని కూడా తెలుసుకున్నాం. అయితే ఈ చిత్రం మొదటి వారం వసూళ్లని బట్టి భారీ నష్టం తప్పదని తేలిపోయింది.
మొదటి రోజే తిరస్కారానికి గురైన ఈ చిత్రాన్ని ఒక వర్గం ప్రేక్షకులు మోసే ప్రయత్నం చేసారు. ఓవర్సీస్‌లో మహేష్‌ క్రేజ్‌ కారణంగా వన్‌ మిలియన్‌ డాలర్లు వస్తే సినిమా టాక్‌ బెటర్‌ అవుతుందని, ఆదరణ పెరుగుతుందని చిత్ర బృందం ప్రచారం చేసింది. కానీ హైదరాబాద్‌తో సహా ఈ చిత్రం అన్ని చోట్లా తిరస్కరణకి గురైంది. సంక్రాంతికి కూడా చెప్పుకోతగ్గ వసూళ్లు సాధించలేకపోయింది.
మొదటి వారంలో వరల్డ్‌ వైడ్‌గా పాతిక కోట్ల షేర్‌ రాబట్టుకున్న ఈ చిత్రం ఇక పెద్దగా రాబట్టుకునేదేమీ లేదు. బి, సిల్లో పరిస్థితి దారుణంగా ఉంది కనుక వచ్చేదేమైనా ఉంటే ఏ సెంటర్స్‌ నుంచే రావాలి. ఎలా చూసినా కానీ ఈ చిత్రం పాతిక కోట్ల పైగానే నష్టపోయే సూచనలు కనిపిస్తున్నాయి. ఓవర్సీస్‌లో వన్‌ మిలియన్‌ డాలర్లు వచ్చినా కానీ అమ్మిన రేట్ల ప్రకారం బ్రేక్‌ ఈవెన్‌ కావడం అక్కడైనా అసాధ్యమే అనిపిస్తోంది.