మహేష్ కోసం పోలింగ్.. ఎందుకో తెలుసా?

పోలింగ్ అనే పదం ప్రస్తుతం ఎన్నికల కోసం మాత్రమే వాడుతున్నారు జనం. కానీ మహేష్ కోసం ఏకంగా ఓ పోలింగ్ నిర్వహించారు అభిమానులు. అది కూడా హీరోయిన్ ఎంపిక కోసం కావడం విశేషం. అవును.. మహేష్ కొత్త సినిమాలో హీరోయిన్ ఎంపిక కోసం పోలింగ్ జరిగింది.

త్వరలోనే అనీల్ రావిపూడి దర్శకత్వంలో ఓ సినిమా చేయబోతున్నాడు మహేష్. ఈ సినిమాలో రష్మిక లేదా సాయిపల్లవిని హీరోయిన్ గా తీసుకోవాలని అనుకుంటున్నారట. వీళ్లలో ఎవరు మహేష్ సరసన బాగుంటారంటూ ఆన్ లైన్ లో మహేష్ అభిమాన సంఘాలు స్వతంత్రంగా పోలింగ్స్ షురూ చేశాయి.

చాలా సర్వేల్లో రష్మికకే ఎక్కువ ఓట్లు పడ్డాయి. సాయిపల్లవి రెండోస్థానంలో నిలిచింది. వీళ్లిద్దర్లో ఎవర్ని సెలక్ట్ చేస్తారనే విషయాన్ని పక్కనపెడితే.. మహేష్ అభిమానుల్లో, మరీ ముఖ్యంగా యూత్ లో వీళ్లిద్దర్లో ఎవరంటే ఎక్కువ క్రేజ్ ఉందో ఈ సర్వేల ద్వారా తేలిపోయింది. సాయిపల్లవి కంటే రష్మికనే ఎక్కువమంది ఇష్టపడుతున్నారు.

అటు మహేష్ సినిమా మేటర్ మాత్రం హీరోయిన్ ఎంపిక వరకు రాలేదు. అనీల్ రావిపూడి చెప్పిన లైన్ కు మహేష్ ఓకే చెప్పాడంతే. పూర్తిస్థాయిలో స్క్రిప్ట్ ఇంకా రెడీ అవ్వలేదు. ఆ తర్వాత హీరోయిన్ ఎవరనేది నిర్ణయిస్తారు. అప్పట్లోగా ఈ ఇద్దరు ముద్దుగుమ్మలపై ఇంకెన్ని సర్వేలు జరుగుతాయో!

ఐదేళ్లలో దగాపడ్డ ఆంధ్రప్రదేశ్‌, పదేళ్లుగా ప్రభుత్వాల మోసాలే!