పీఆర్ టీమ్ కోసం నితిన్ ఆలోచన?

ఇప్పటి వరకు తనకంటూ ఓ పీఆర్ టీమ్ లేని హీరో ఎవరు అంటే నితిన్ నే. సినిమా సినిమాకు పీఆర్ టీమ్ మారుతుంటుంది. దాంతో ఓ స్ట్రాటజీ లేకుండా వెళ్తుంటుంది వ్యవహారం. ఇప్పుడు చూస్తే నితిన్ ఫుల్ డౌన్ ట్రండ్ లో వున్నాడు. అందుకే దిద్దుబాటు చర్యలు ప్రారంభించాడని వినికిడి.

ముఖ్యంగా శ్రీనివాస కళ్యాణం టైమ్ లో నితిన్ కు ఎక్కడా పబ్లిసిటీ స్పేస్ ఎక్కువగా దొరకలేదు. అంతా దిల్ రాజు హంగామా తప్ప మరోటిలేదు. దాంతో ఇప్పుడు తనకంటూ ఓ పీఆర్ టీమ్ అవసరం అని నితిన్ గుర్తించినట్లు కనిపిస్తోంది. దాదాపు అందరు హీరోలకు స్వంత పీఆర్ టీమ్ లు వున్నాయి. సినిమా ఎవరిదైనా, దాని పీఆర్ టీమ్ ఎవరైనా, హీరో పీఆర్ టీమ్ మాత్రం హీరో విషయాలు, కవరేజ్ అవీ జాగ్రత్తగా చూసుకుంటాయి.

నితిన్ కు అదిలేదు. అందుకే ఈసారి తన స్వంత పీఆర్ టీమ్ ఒకటి ఏర్పాటు చేసుకునే ప్రయత్నాల్లో వున్నట్లు తెలుస్తోంది.