ప్రేమమ్ లో శృతి రెండు డబ్బింగ్ లు?

ఇలా చదవగానే ప్రేమమ్ సినిమాలో సితార క్యారెక్టర్ కు శృతి హాసన్ డబ్బింగ్ గురించి అనుకుంటారేమో…అది కాదు విషయం. శృతిహాసన్ ప్రేమమ్ సినిమాలో రెండు క్యారెక్టర్లకు డబ్బింగ్ చెప్పిందట. తన క్యారెక్టర్ అయిన సితారకు తోడుగా, లాస్ట్ ఎపిసోడ్ లో వచ్చే సింధు క్యారెక్టర్ కు కూడా శృతి చేతనే డబ్బింగ్ చెప్పించారట. 

అయితే లాస్ట్ మినిట్ లో నాగార్జున మరికొందరు యూనిట్ జనాలకు అది నచ్చలేదని తెలిసింది. దాంతో అప్పటికప్పుడు డబ్బింగ్ ఆర్టిస్ట్ (చిన్మయి ?) చేత డబ్బింగ్ చెప్పించినట్లు తెలుస్తోంది. అసలు మడోన్నా సెబాస్టియన్ కు శృతి చేత డబ్బింగ్ చెప్పించాలన్న ఐడియా ఎలా వచ్చిందో? 

ఎందుకంటే శృతి తెలుగు అమ్మాయి కాదు, డబ్బింగ్ ఆర్టిస్ట్ అంతకన్నా కాదు. కానీ ఆమె వాయిస్ బాగుంటుందని అనుకుని వుండాలి. మరి అలాంటపుడు మళ్లీ ఎందుకు నచ్చలేదో? మొత్తానికి ప్రేమమ్ తెరవెనుక జరిగిన చాలా చిన్నచిన్న మార్పులు చేర్పుల్లో ఇదొకటి అని వినికిడి.