రామ్ సినిమాలో రాజశేఖర్

ప్రవీణ్ సత్తారుకు కమర్షియల్ బ్రేక్ ఇచ్చాడు రాజశేఖర్ కు. అదే రాజశేఖర్ కు అదే సినిమాతో సెకెండ్ ఇన్నింగ్స్ స్టార్ట్ చేసాడు ప్రవీణ్ సత్తారు. ఇలా ఒకరికి ఒకరు సాయం చేసుకున్నారు. ఇదంతా గరుడవేగ సంగతి. ఇప్పుడు ఈ బంధం కంటిన్యూ చేసుకోవాలనుకుంటున్నట్లుంది. అందుకే ప్రవీణ్ సత్తారు తన లేటెస్ట్ సినిమాలో రాజశేఖర్ ను ఓ మాంచి క్యారెక్టర్ ఆర్టిస్టుగా పరిచయం చేయబొతున్నట్లు తెలుస్తోంది.

విలన్ గా లేదా, క్యారెక్టర్ ఆర్టిస్ట్ గా మారాలని చాలా కాలం నుంచి రాజశేఖర్ అనుకుంటున్నారు. కానీ సరైన చాన్స్, సరైన పాత్ర దొరకడం లేదు. ఈ కోరికను ప్రవీణ్ సత్తారు తీర్చే ప్రయత్నం చేస్తున్నట్లు తెలుస్తోంది. రామ్ హీరోగా ప్రవీణ్ సత్తారు స్రవంతి మూవీస్ పతాకంపై ఓ సినిమా స్టార్ట్ చేసారు. అందులో ఓ మాంచి కీలకపాత్ర వుందట. దానికి రాజశేఖర్ ను తీసుకుంటే ఎలా వుంటుందని ఆలోచిస్తున్నట్లు తెలుస్తోంది.

ఈ విషయం దాదాపు ఫైనల్ అయినట్లే. లాస్ట్ మినిట్ ఛేంజెస్ వుంటే తప్ప. మొత్తం మీద రామ్ సినిమాతో రాజశేఖర్ తన అసలు సిసలు సెకెండ్ ఇన్నింగ్స్ స్టార్ట్ చేస్తారన్నమాట. ఆ పాత్ర క్లిక్ అయిపోతే, అలాంటి పాత్రలకు మరీ జగపతిబాబు ఒక్కడే అయిపోయాడన్న కామెంట్లు తప్పుతాయి.