రంగంలోకి దిగిన బన్నీ ?

సన్నాఫ్ సత్యమూర్తి సినిమా విడుదలైపోయింది. తొలి రోజు కలెక్షన్లు ఓకె. బన్నీ సినిమాకు ఆ రేంజ్ కలెక్షన్లు అంటే చెప్పుకోదగ్గదే. శుక్ర, శని, ఆది సంగతి సరే, సొమవారం నుంచి పరిస్థితి ఏమిటి అన్నది క్వశ్చను. సినీ ట్రేడ్ పండితులు సోమవారం నుంచి సినిమా కలెక్షన్లు ఎలా వుంటాయి అన్నది లెక్కలు కడుతున్నారు. 

అందుకే ఇప్పటి నుంచీ జాగ్రత్తగా వుండాలని హీరో అల్లు అర్జున్ రంగంలోకి దిగినట్లు తెలుస్తోంది. ఫేస్ బుక్ అప్  డేట్ లు, కలెక్షన్ల రికార్డుల ప్రచారం వంటివి సరిగ్గా చేయాలని, ఆయన తన  టీమ్ ను కోరాడట. సినిమాకు నెగిటివ్ టాక్ రావడం, నెగిటివ్ వార్తలు విరివిగా రావడం చూసి, బన్నీ ఆరా తీసాడట. 

ఎందుకు ఇలాంటి వార్తలు వస్తున్నాయి. కాస్త వాటిపై దృష్టి సారించండి. రికార్డులు ప్రచారం సాగించాలని బన్నీ కోరారట. వీలయితే ఇన్ కమ్ టాక్స్ అభ్యంతరాలు వుండవనుకుంటే, నిర్మాత చేత కూడా స్టేట్ మెంట్ ఇప్పించాలని చూస్తున్నారట. వీలైతే త్రివిక్రమ్ శ్రీనివాస్ ప్రెస్ మీట్ కూడా సోమవారం తరువాత వుండొచ్చని వినికిడి.