బాహుబలి..ఇంకా వెనక్కి ?

బాహుబలి చిన్నా చితకా ప్రాజెక్టు కాదు. దేశం మొత్తం సినిమా లవర్స్ ఆ సినిమా కోసం ఎదురు చూస్తున్నారు. దానికి వున్న వర్క్ కూడా అలాంటిది. కానీ రాజమౌళి ఉన్నట్లుండి మే 15 విడుదల అని ప్రకటించేసాడు. మొదటి పార్ట్ కు గుమ్మడికాయ కొట్టినా, ఫినిషింగ్ పనులు ఇంకా చాలా వున్నాయట. 

ఓ పది రోజులు లేటుగా మే 23న విడుదల చేద్దామనుకున్నారు. అయితే ఇప్పుడు అటు తిరిగి ఇటు తిరిగి జూన్ కు వెళ్లిపోతుందని టాక్ వినిపిస్తోంది. యుద్ధవేగంతో చేసినా ఇంకా పనుల పూర్తి కావడానికి నెల పదిహేను రోజుల నుంచి రెండు నెలలు పడుతుందని అంటున్నారు. అంటే జూన్ లోనే విడుదల అవుతుందేమో? అలా అయితే సమ్మర్ సీజన్ మిస్సయినట్లే.