రీతూ వర్మకి ప్రమోషన్‌.!

ఓ సినిమా కమర్షియల్‌గా మంచి విజయాన్ని అందిస్తే ఆ సినిమాలో నటించిన నటీనటులు, దర్శకుడు, నిర్మాత.. ఇలా అందరికీ ప్రమోషన్‌ లభించడం మామూలే. 'పెళ్ళి చూపులు' సినిమా ఇప్పుడు ఆ సినిమా టీమ్‌కి మంచి విజయాన్ని అందించింది. దాంతో, అందులో హీరోగా నటించిన విజయ్‌ దేవరకొండకి ఆఫర్ల మీద ఆఫర్లు వచ్చిపడ్తున్నాయట. 

ఇక, హీరోయిన్‌ రీతూ వర్మ ఇప్పటిదాకా చిన్న సినిమాల్లోనే ఇంకా చిన్న చిన్న పాత్రలే చేసింది. ఇకపై ఆమెకు ఓ మోస్తరు సినిమాల్లోనూ హీరోయిన్లుగా ఆఫర్లు రానున్నాయట. ఈ మధ్యనే ఓ మంచి విజయాన్ని అందుకున్న ఓ యంగ్‌ హీరో నటిస్తోన్న సినిమా కోసం రీతూ వర్మ పేరుని సెకెండ్‌ హీరోయిన్‌ కోసం కన్సిడర్‌ చేస్తున్నట్లు తెలుస్తోంది. సక్సెస్‌ ఇచ్చిన ఉత్సాహంతో, వస్తున్న ఆఫర్లని ఇంకాస్త జాగ్రత్తగా ఎంపిక చేసుకుంటోందట రీతూ వర్మ. 

అందం ప్లస్‌ అభినయం.. అన్నీ వున్నా, ఇప్పటిదాకా రీతూ వర్మకి మంచి సక్సెస్‌ అయితే దక్కలేదు. ప్రస్తుతం తమిళంలో కూడా ఓ సినిమా చేస్తోన్న రీతూ వర్మకి, అక్కడా అవకాశాలు బాగానే వస్తున్నాయట. 'పెళ్ళి చూపులు' సక్సెస్‌ కావడంతో తెలుగులో అవకాశాలు బాగా ఎక్కువగా వస్తున్నాయనీ, ఈ సినిమా తన కెరీర్‌లో ఎప్పటికీ మర్చిపోలేని ఓ మెమరబుల్‌ మూవీ అంటోంది రీతూ వర్మ.