రోబో 2.0 లో ఓన్లీ వన్ సాంగ్

దిగ్దర్శకుడు శంకర్ రూపొందిస్తున్న భారీ చిత్రం రోబో 2.0. సూపర్ స్టార్ రజనీ, అక్షయ్ కుమార్, ఎమీ జాక్సన్ లాంటి హేమీ హేమీలు వున్నారు సినిమాలో. ఫైట్లు, ఛేజ్ లు, ఇంకా ఇంకా చాలా చాలా వుండే ఈ సినిమాలో పాటలు కాదు. ఒక్కటే పాట వుంటుందట. సంగీత దర్శకుడు రెహమాన్ బయటపెట్టారు ఈ విషయాన్ని. 

దుబాయ్ లో అడియో ఫంక్షన్ సందర్భంగా రెహమాన్ ఓ ప్రశ్నకు సమాధానంగా ఈ సంగతి చెప్పారు. వాస్తవానికి మూడు పాటలు కంపోజ్ చేసానని, ఒకటి మాత్రమే సినిమాలో వుంటుదని, మిగిలిన రెండు తాను తన లైవ్ కన్సర్ట్ లో పాడతానని వెల్లడించారు. 

అంటే ఆ సంగతి ఎలా వున్నా, సినిమా మొత్తం మీద ఒక్కటే పాట అది కూడా రజనీ-ఎమీల డ్యూయట్. సైన్స్ ఫిక్షన్ సినిమా మొత్తం పాటలనే రిలీఫ్ లేకుండా సాగుతుందన్నమాట. శంకర్ మ్యాజిక్ ఈ విషయంలో ఎలా వుంటుందో చూడాలి. తెలుగునాట ఈ సినిమా 81కోట్లకు హక్కులు అమ్ముడుపోయింది.