సవ్యసాచిలో హాలీవుడ్ విలనిజం?

సవ్యసాచి. నాగ్ చైతన్య-చందు మొండేటి కాంబినేషన్ మూవీ. ఈ సినిమాలో హీరోకి ఎడం చేయి తన మాట వినదు. హీరో రెండు చేతులతోనూ ఒకే విధంగా పని చేయగలడు లాంటి కాన్సెప్ట్ లు వినిపించాయి. అయితే లేటెస్ట్ గాసిప్ ఏమిటంటే, అసలు ఈ కాన్సెప్ట్ కు సినిమాకు పెద్దగా సంబంధం లేదన్నది. సినిమాలో మాధవన్ నే మెయిన్ లీడ్ కమ్ విలనిజం అని తెలుస్తోంది. 

ఈ విలనిజం అంతా హాలీవుడ్ సినిమాల టైపులో సాగుతుందని తెలుస్తోంది. నాలుగు గోడల మధ్య కూర్చుని, హీరోను ఫోన్ లో టీజ్ చేస్తూ, అటు ఇటు పరుగులు పెట్టించే కూల్ విలన్ పాత్రలో మాధవన్ కనిపిస్తాడట. హీరో అక్క భూమిక పై పగతో ఆమె బిడ్డను తన దగ్గర వుంచుకుని, హీరోను పరుగులు పెట్టిస్తాడని ఇండస్ట్రీలో టాక్ వినిపిస్తోంది.

సినిమా అంతా నాగ్ చైతన్య అటు ఇటు పరుగులు పెడుతూ వుంటాడని, సవ్యసాచి అన్నది కేవలం హీరో కాన్సెప్ట్ తప్ప, కథ అంతా వేరు అని, మాధవన్ చుట్టూనే తిరుగుతుందని తెలుస్తోంది.

మొత్తం మీద మాధవన్-చందు మొండేటి కలిసి తెలుగు సినిమాలో హాలీవుడ్ విలనిజం చూపిస్తారని అనుకోవాలేమో? అయినా నాగ్ చైతన్యకు ఈ మాస్ యాక్షన్ సినిమాల మీద మోజు ఎప్పుడు తగ్గుతుందో?