సైలెంట్ గా వర్మ సినిమా

రామ్ గోపాల్ వర్మ ట్విట్టర్ లో హంగామా చేస్తాడు కానీ, సినిమా నిర్మాణంలో కాదు. ఎప్పుడు తీస్తాడో తెలియదు, ఎప్పుడు ప్లాన్ చేస్తాడో తెలియదు. సినిమా రెడీ అయిపోతుంది. ఇప్పుడు తాజగా నాగార్జున హీరోగా చేస్తున్న సినిమాను కూడా అలాగే సైలెంట్ గా షూట్ చేసేస్తున్నట్లు తెలుస్తోంది.

నాగ్ హీరోగా ఆర్జీవీ సినిమా స్టార్ట్ అయిన తరువాత ఓ షెడ్యూలు ముగిసింది. ఆ తరువాత నాగ్ కొంచెం బిజీ అయ్యారు. హాలీడే ఎంజాయ్ చేసి వచ్చారు. ఆ తరువాత అప్ డేట్ లేదు. కానీ తెలిసిన విషయం ఏమిటంటే, గచ్చిబౌలి ప్రాంతంలో కామ్ గా షూటింగ్ చేసేస్తున్నారట. 

నాగార్జున పై కీలక సన్నివేశాలు రామ్ గోపాల్ వర్మ తన టీమ్ సాయంతో చకచకా షూట్ చేస్తున్నారట. ఈ సినిమాను రామ్ గోపాల్ వర్మే నిర్మిస్తున్న సంగతి తెలిసిందే.