సురేందర్ వెరీ వెరీ లక్కీ

ఒక డిజాస్టర్..అది కూడా డైరక్టర్ వల్లనే అని తేలిన తరువాత..మరో పెద్ద హీరో పిలిచి చాన్స్ ఇవ్వడమే అద్భుతం. పైగా ఒక భాషలో సూపర్ హిట్ అయిన రెడీ మేడ్ ప్రొడక్ట్ ను తెచ్చి చేతిలో పెట్టడం అంటే మరీ లక్కీ. ఇప్పుడు ఆ విధంగా డైరక్టర్ సురేందర్ రెడ్డి  వెరీ వెరీ లక్కీ. రామ్ చరణ్..దానయ్య, ఎన్వీ ప్రసాద్ కలిసిన ప్రాజెక్టును సురేందర్ రెడ్డికే అప్పగించాలని డిసైడ్ అయినట్లే. 

తమిళ మాతృక థని ఒరువన్ డైరక్టర్ రాజా ఈ విషయంలో చాలా పట్టు పట్టినా ఫలితం లేకపోయింది. రైట్స్ కింద డబ్బులతోనే సెటిల్ మెంట్ జరిగిపోయింది. భవిష్యత్ లో మరో అవకాశం ఇస్తామన్న హామీ దానికి తోడయినట్లు తెలుస్తోంది. కిక్ 2 లాంటి డిజాస్టర్ తరువాత వెంటనే చాన్స్ దొరికింది సురేందర్ రెడ్డికి. 

గతంలో చరణ్ అతనికి మాట ఇవ్వడమే ఇందుకు కారణం. ఇప్పుడు ఈ రెడీ మేడ్ ప్రొడక్ట్ ఎలాగూ హిట్ అవుతుంది. సురేందర్ కు మరో సినిమా మళ్లీ ఖాయం. ఆ తరువాత సంగతి అంటారా..అప్పుడు చూసుకోవచ్చు.