Epaper
జనవరి 18న నందమూరి అభిమానులు, అందునా ముఖ్యంగా బాలయ్య అభిమానులు ఆశగా, ఆనందంగా ఎదురుచూసారు. అన్న ఎన్టీఆర్ గా, ఆయన తనయుడు బాలయ్య ఎలా వుండబోతున్నారా? అన్నది చూడడానికి. ఎందుకంటే బాలయ్య నటిస్తూ, భాగస్వామిగా వుంటూ నిర్మించే సినిమా ఎన్టీఆర్ టీజర్ ను ఆ రోజు విడుదల చేస్తారని అందరూ భావించారు.
నిజానికి ఆ రోజు విడుదల చేయాల్సిందే. అందుకోసం రామకృష్ణ సినీ స్టూడియోస్ లో రెండు మూడు రోజుల పాటు షూట్ కూడా చేసారు. ఈ టీజర్ వివరాలు కూడా అప్పట్లో మెల్లగా వెలికి వచ్చాయి. చైతన్య రథంపై వెనుక నుంచి ఎన్టీఆర్ మాదిరిగా బాలయ్య కనిపిస్తారు. జనం వుంటారు. ఖాకీ డ్రెస్ వేసుకున్న ఎన్టీఆర్ మాదిరిగా ‘మా తెలుగింటి ఆడపడుచులకు వందనం.. అభివందనం’ అనే డైలాగు బాలయ్య చెబుతారు.
కానీ టీజర్ బయటకు రాలేదు. దీనికి కారణం, అస్సలు అది అప్ టు ది మార్క్ లేకపోవడమేనట. టీజర్ చూసిన బాలయ్య హతాశుడయినట్లు గుసగుసలు వినిపిస్తున్నాయి. టీజర్ కోసం పెట్టిన కెమేరా యాంగిల్స్ కానీ, లైటింగ్ కానీ బాలయ్యకు అస్సలు నచ్చలేదని వినికిడి.
వెంటనే డైరక్టర్ తేజను పిలిచి కాస్త గట్టగా మాట్లాడినట్లు ఇండస్ట్రీ ఇన్ సైడ్ వర్గాల్లో వినిపిస్తోంది. ఈ టీజర్ విడుదల చేస్తే, ప్రాజెక్టు పరువుపోతుంది. పక్కన పడేయండి అని బాలయ్య చెప్పి, అప్పటికప్పుడు టీజర్ లాంటి ఫోటో కట్ చేయించి విడుదల చేసారట.
అసలు బాలయ్య ఈ బయోపిక్ కు తేజను బయోపిక్ కు తీసుకున్నపుడే ఇండస్ట్రీ వర్గాలు ఆశ్చర్యపోయాయి. ఎందుకంటే తేజ స్టయిల్ ఎన్టీఆర్ బయోపిక్ కు సూటవుతుందా? అని అనుకున్నారు. అయితే పెర్ ఫెక్ట్ బౌండ్ స్క్రిప్ట్ వుంది కాబట్టి సరిపోతుందనుకున్నారు. అయితే ఇప్పుడు మళ్లీ ఎన్టీఆర్ బయోస్క్రిప్ట్ కు క్రిష్ అయితేనే సరిపోయి వుండేదేమో అన్న కామెంట్లు వినిపిస్తున్నాయి.
తేజ ప్రస్తుతం చేస్తున్న వెంకీ సినిమా అయిన తరువాత కానీ బాలయ్య బయోపిక్ స్టార్ట్ కాదు. అప్పటికి ఏం జరుగుతుందో? ఏమో? చూడాలి.