టైమింగ్‌ దెబ్బతీసిందన్న తమన్నా

బాలీవుడ్‌లో తమన్నా నటించిన ‘హిమ్మత్‌వాలా’ పెద్ద ఫ్లాప్‌ అయ్యింది. ఆ సినిమా ఒకవేళ హిట్టయి వుంటే బాలీవుడ్‌లో తమన్నా ఓ రేంజ్‌లో పాపులారిటీ సంపాదించుకునేదే. సినిమా ఫ్లాప్‌ అయినా, తమన్నాకి బాలీవుడ్‌లో ఓ మోస్తరు పబ్లిసిటీ దక్కిందనుకోండి.. అది వేరే విషయం.

ఇక, ‘హిమ్మత్‌వాలా’ సినిమా ఎందుకు ఫ్లాపయ్యింది.? అనడిగితే, ‘బహుశా టైమింగ్‌ తేడా కొట్టి వుంటుంది. కథ మరీ పాతది. అప్పటి జనరేషన్‌కి సెట్‌ అయ్యింది. అలాంటి క్లాసిక్స్‌ని ఇప్పుడున్న ట్రెండ్‌కి తగ్గట్టుగా రూపొందించడం కష్టం. అక్కడే మేం ఫెయిలయి వుంటాం..’ అని చెప్పింది తమన్నా.

ప్రస్తుతం ‘హమ్‌షకల్స్‌’ సినిమాలో నటిస్తోంది తమన్నా. ఇది కాక మరో నాలుగు ప్రాజెక్టులు డిస్కషన్‌ స్టేజ్‌లో వున్నాయని తమన్నా చెబుతోంది. టాలీవుడ్‌లోనూ, కోలీవుడ్‌లోనూ తమన్నా బిజీగానే వుందిప్పుడు. ఒకేసారి మూడు భాషల్లో సినిమాల్ని చక్కబెట్టడం కష్టంగానే వున్నా, అందులో కిక్‌ వుందని తమన్నా చెప్పుకొచ్చింది.