Epaper
అరవింద సమేత వీర రాఘవ సినిమా తరువాత త్రివిక్రమ్ సినిమా ఏమిటి? విక్టరీ వెంకటేష్ తోనే అన్నది ఆ మధ్య వరకు వున్న షెడ్యూల్. కానీ లేటెస్ట్ వార్త ఏమిటంటే, విక్టరీ వెంకటేష్ బయట ఒక సినిమా చేసుకుని, తన సినిమా మీదకు రావడానికి త్రివిక్రమ్ కు గ్రీన్ సిగ్నల్ ఇచ్చారని తెలుస్తోంది.
దీనికి కారణం, వెంకటేష్ రెడీగా లేకపోవడమే. ఆయన ప్రస్తుతం చేస్తున్నసినిమా కాకుండా వెంకీ మామ కూడా చేయాలి. ఈ రెండూ ఫినిష్ చేసే వరకు త్రివిక్రమ్ ఖాళీగా వుండాల్సి వస్తుంది. అందుకే వేరే హీరోతో ఒక సినిమా చేసుకుని, తన సినిమా మీదకు రావచ్చని వెంకీ చెప్పాడని వినికిడి.
హారిక హాసిని బ్యానర్ లో వెంకీ-త్రివిక్రమ్ సినిమా వుండాలి. కానీ అది వెంకీ మామా సినిమా తరువాతే నంట. అయితే మరి త్రివిక్రమ్ ఎవరితో చేస్తారు అన్నది ప్రశ్న. బన్నీ అయితే త్రివిక్రమ్ తో సినిమాకు రెడీగా వున్నారు. కానీ అరవింద ఫలితం కోసం వెయిట్ చేస్తున్నారు. బన్నీతో చేయడానికి త్రివిక్రమ్ దగ్గర స్క్రిప్ట్ కూడా రెడీగా వుందని తెలుస్తోంది. జస్ట్ నెరేషన్ లో వున్నదాన్ని బౌండ్ స్క్రిప్ట్ గా మార్చడమే బకాయి అని తెలుస్తోంది.
మరి బన్నీ-త్రివిక్రమ్ హ్యాట్రిక్ కాంబినేషన్ అన్నది పక్కా కావడం మాత్రం 11 తరువాతనే తెలిసే విషయం.