Epaper
తన సినిమా టైటిల్స్ విషయంలో లీకులివ్వడంలో త్రివిక్రమ్ దిట్ట. జనాలు ఏమనుకుంటున్నారో చూద్దామని ఏదో ఒక టైటిల్ ను ఓ చిన్న గాసిప్ లా కావాలనే అలా లీక్ చేస్తుంటాడు. ఫైనల్ గా ఓ టైటిల్ ను ఫిక్స్ చేస్తుంటాడు. ఇది త్రివిక్రమ్ స్టయిల్.
ఖలేజా నుంచి ఇదే పని చేస్తున్నాడు త్రివిక్రమ్. అతడి సినిమాలకు సంబంధించి ఏదో ఒక టైటిల్ సోషల్ మీడియాలో చక్కర్లు కొడుతూనే ఉంటుంది. మొన్నటికిమొన్న అజ్ఞాతవాసి విషయంలో ఎన్ని టైటిల్స్ బయటకొచ్చాయో చూశాం. త్రివిక్రమ్ ప్రమేయం లేకుండా అవి బయటకు రాలేదు. ఫైనల్ గా అజ్ఞాతవాసి అనే టైటిల్ ఫిక్స్ చేశాడు.
ఇప్పుడీ దర్శకుడు ఎన్టీఆర్ సినిమా విషయంలో కూడా ఇదే పద్ధతి ఫాలో అవుతున్నాడు. ఈ సినిమాకు సంబంధించి టైటిల్స్ లీకేజీల ప్రక్రియ ప్రారంభమైంది. మొట్టమొదటిగా 'అసమాన్యుడు' అనే టైటిల్ తెరపైకి వచ్చింది. ఇదేకాదు.. రాబోయే 2-3 నెలల్లో మరిన్ని పేర్లు ఇలా లీక్ అవుతాయి. ఫైనల్ గా త్రివిక్రమ్ తను అనుకున్న టైటిల్ ను విడుదల చేస్తాడు.
సినిమాకు టైటిల్స్ పెట్టే విషయంలో ఎందుకో తను చాలా వీక్ అని గతంలో ఓసారి చెప్పుకొచ్చాడు త్రివిక్రమ్. డైలాగ్ రాసినంత సులువుగా పేరు పెట్టలేనని అన్నాడు. అందుకేనేమో.. ముందుగా ఇలా ఆడియన్స్ అభిప్రాయం తెలుసుకునేందుకు ఇలా కొన్నిపేర్లు లీక్ చేస్తుంటాడనిపిస్తుంది.
ఈ విషయంలో మాత్రం త్రివిక్రమ్ ఎప్పుడూ సూపర్ హిట్టే. కాస్త లేట్ అయినా తన సినిమాలకు అర్థవంతమైన టైటిల్స్ పెట్టే ఈ దర్శకుడు.. ఎన్టీఆర్ మూవీకి ఎలాంటి టైటిల్ ఫిక్స్ చేస్తాడో చూడాలి.