వంశీ మైనస్ పరుశురామ్ కు ప్లస్

అనిల్ రావిపూడి డైరక్షన్ లో చేస్తున్న సరిలేరు నీకెవ్వరూ సినిమా వర్క్ నవంబర్ కు దాదాపు ఫినిష్ అయిపోతుంది. సూపర్ స్టార్ మహేష్ బాబు ఫ్రీ అయిపోతున్నారు. మరి అప్పుడు ఏ సినిమా చేయాలి? ఇదే ఇప్పుడు ప్లానింగ్. వంశీ పైడిపల్లి సినిమానే అని ముందు నుంచీ అనుకుంటున్నారు. ఇప్పుడు కూడా మార్చి నాటికి వంశీ పైడిపల్లి రెడీ అయిపోతారు కథతో అనే ఇండస్ట్రీలో వినిపిస్తోంది.

కానీ డైరక్టర్ పరుశురామ్ చెప్పిన పాయింట్ నచ్చడం, అయినా చేయలేనని మహేష్ అనడం వంటివి ఈలోగా జరిగాయి. ఈ మేరకు గ్యాసిప్ లు వినిపించాయి. వచ్చాయి. అయినా పరుశురామ్ పట్టు వదలకుండా భీమిలిలో తన అసిస్టెంట్ లతో కూర్చుని, చకచకా ఫుల్ స్క్రిప్ట్ తయారుచేసే పనిలో వున్నారు. ఫుల్ స్క్రిప్ట్ చూపించి, అయిదు నెలల్లో సినిమా తీసి ఇస్తాననే మాటతో మహేష్ ను ఒప్పించే ఆలోచన చేస్తున్నారని బోగట్టా.

కొరటాల శివ, మైత్రీ మూవీస్, కొరటాల స్నేహితులు ఈ ప్రాజెక్టు వెనుక వుండడం పరుశురామ్ కు కాస్త ధైర్యాన్ని ఇస్తోంది. ఫుల్ స్క్రిప్ట్ రెడీ చేస్తుండడం అన్నది పరుశురామ్ కు ప్లస్ గా వుంది. అదే సమయంలో వంశీ పైడిపల్లి ఇప్పటి వరకు ఓ లైన్ తో కూడా రాకపోవడం అన్నది ఆయనకు మైనస్ గా వుంది.

అన్న మాట కోసం వంశీ కోసం వెయిట్ చేయడమా? పరుశురామ్ తో ముందుకు వెళ్లిపోవడమా? అన్న మీమాంసలో మహేష్ వున్నట్లు బోగట్టా. ఈ విషయంలో దర్శకుడు కొరటాల వైపు నుంచి మహేష్ మీద కాస్త గట్టి వత్తిడి వస్తున్నట్లు గుసగుసలు వినిపిస్తున్నాయి.