Epaper
సినిమా హిట్ లు ఫ్లాపుల సంగతి అలావుంచితే తమిళ హీరోల్లో విక్రమ్ కూడా మన తెలుగు జనాలకు నచ్చిన నటుడే. అయితే సరైన సినిమా పడి చాలా కాలం అయింది. దీని వల్ల విక్రమ్ కు తెలుగునాట వున్న మార్కెట్ అంతా బిళ్ల బీటుగా పడిపోయింది. ఇప్పుడు మళ్లీ ఎ బి సి నుంచి దాన్ని లేపుతూ రావాలి.
లేటెస్ట్ గా వస్తున్న విక్రమ్ సినిమా ఇంకొక్కడు. ఇప్పుడు ఈ సినిమాను బాగా ప్రమోట్ చేయాలి తెలుగునాట కూడా అని హీరో విక్రమ్ భావిస్తున్నాట. అందుకే అడియో ఫంక్షన్ కు రావడంతో పాటు, సినిమా విడుదలకు ముందు ప్రమోషన్ కార్యక్రమాలు కూడా చేపట్టాలని అనుకుంటున్నాడు.
వచ్చేవారంలో (15న) హైదరాబాద్ లో కూడా ఒక్కడున్నాడు అడియో ఫంక్షన్ ను ఘనంగా నిర్వహించబోతున్నారు. ఈ ఫంక్షన్ కు విక్రమ్ వస్తాడట. ఇప్పటి దాకా తన సినిమాలు ఎలా వున్నా, ప్రమోషన్ ఆశించిన రేంజ్ లో లేదని, ఒక్కడున్నాడు సినిమాకు ఆ లోటు లేకుండా చూడాలని ఆయన తెలుగు వెర్షన్ నిర్మాతలను కోరాడట. ఆ మేరకు ప్రమోషన్ ఏర్పాట్లు భారీగా చేస్తున్నారట నిర్మాత. విక్రమ్ సరసన ఈ సినిమాలో నయన తార నటిస్తోంది.