విశాఖ స్పా లో ‘మెగాస్టార్’

మెగాస్టార్ చిరంజీవి ఇప్పుడు విశాఖలో వున్నారు. ఆచార్య షూటింగ్ ముగిసింది. లూసిఫర్ రీమేక్ మీదకు వెళ్లే ముందు డీ టాక్సినేషన్, బాడీ ఫిట్ నెస్ వంటి వ్యవహారాల మీద ఆయుర్వేదిక్ ట్రీట్ మెంట్ కోసం ఆయన విశాఖలోని ఓ ప్రముఖ ఆయుర్వేదిక్ స్పా రిసార్ట్ లో వున్నారని తెలుస్తోంది.

గతంలో కూడా ఇదే స్పాలో ఆయన వారం రోజులు గడిపారు. అప్పట్లో నిర్మాత దిల్ రాజు కూడా అక్కడే వున్నారు. 

సాధారణంగా ఈ డీ టాక్సినేషన్ కోసం మన హీరోలు ఎక్కువగా విదేశాలకు వెళ్తుంటారు. కానీ గతంలో ఒక సారి, ఇప్పుడు రెండోసారి మెగాస్టార్ విశాఖకే వెళ్లారు. 

అక్కడి నుంచి వచ్చాక లూసిఫర్ వర్క్ ప్రారంభం అవుతుంది. మెగాస్టార్ తో పాటు సత్యదేవ్ ఓ కీలకపాత్ర పోషిస్తున్నారు. 

మలయాళంలో పృధ్వీరాజ్ చేసిన పాత్ర కోసం ఓ ప్రముఖ హీరోను సంప్రదిస్తున్నారు. అది ఓకె అయితే బయటకు ప్రకటిస్తారు. ఈ సినిమాకు గాడ్ ఫాదర్ అనే టైటిల్ ఫిక్స్ చేసారు.