Epaper
మంచి నటి..గ్లామర్ గాళ్ అని ప్రూవ్ చేసుకున్నా కూడా కాజల్ కు సరైన సినిమాలు పడడం లేదు. ఏదో చేస్తున్నా అంటే చేస్తున్నా అన్నట్లు బండి లాగిస్తోంది. ఇటీవల విడుదలైన టెంపర్ కాస్త బెటర్.ఇప్పుడు కాజల్ తమిళనాట విశాల్ సరసన ఓ సినిమాకు ఓకె చేసింది.
మాస్ మంత్రం జపిస్తూ, మినిమమ్ గ్యారంటీతో సినిమాలు చేసుకుంటూ పోతున్నాడు విశాల్. తమిళ, తెలుగు రెండు మార్కెట్ లు వుండడం అతగాడికి ప్లస్. గతంలో పాండియనాడు..(తెలుగులో పల్నాడు) సినిమాను విశాల్ తో రూపొందించిన టీమ్ వేంథర్ మూవీస్ సంస్థ మళ్లీ మరో సినిమా చేస్తోంది. దీనికి విశాల్ 19 అని వర్కింగ్ టైటిల్ పెట్టారు. మళ్లీ సుశీంద్రనే దర్ళకుడు. దాదాపు పల్నాడుకు పనిచేసిన టీమ్ అంతా ఈ సినిమాకు పనిచేస్తోంది. సినిమాటోగ్రాఫర్ గా వేల్ రాజ్ ను ఎంచుకున్నారు.
ఎందుకంటే వేల్ రాజ్ కు క్రియేటివ్ ఫోటోగ్రాఫర్ గా, ప్లస్ డైరక్షన్ అనుభవం కూడా వుంది. ఈ సినిమాలో విశాల్ సరసన కాజల్ నటిస్తుంది.హొలీ సందర్భాన్ని పురస్కరించుకుని ఈ రోజు ఈ సినిమాను చెట్పట్ లోని సిందూరపూవు హవుస్ లో ప్రారంభించారు. ఈ సినిమాకు డి. ఇమ్మాన్ సంగీతం అందిస్తున్నారు.