Epaper
తమిళనాట హీరో కార్తీ నటిస్తున్న తాజా సినిమా కొంబన్. స్టూడియో గ్రీన్ నిర్మించే ఈసినిమాలో లక్ష్మీమీనన్ కథానాయిక. ముత్తయ్య దర్శకత్వం వహించే ఈ సినిమాలో రాజ్ కిరణ్ ఓ కీలక పాత్ర పోషిస్తున్నాడు. జివి ప్రకాష్ కుమార్ సంగీతం అందిస్తున్న ఈ సినిమా అడియో హోలీ సందర్భంగా నేటి సాయంత్రం విడుదల చేస్తున్నారు.
ఈ సినిమా కోసం కార్తీ పొడవైన మీసం..గడ్డం పెంచారు. సూర్య యముడు స్టయిల్ మీసాలకు కాస్త దగ్గరి వ్యవహారం ఇది. పక్కా మాస్ లుక్, క్యారెక్టర్ తో ఈ సినిమా తయారయింది. పెద్ద సినిమా అయినా కేవలం 70 రోజుల్లో ఈ సినిమా ని ఫినిష్ చేయడం విశేషం. సమ్మర్ కు ప్రేక్షకుల ముందుకు తీసుకువస్తున్నారు.
అయితే తెలుగులోకి తెస్తారా, తేరా అన్నది ఇంకా తెలియదు. ఇటీవల కార్తీ కాస్త తమిళ నేటివిటీ వున్న సబ్జెక్ట్ లు ఎన్నుకుంటున్నారు. అవి తెలుగుకు సూట్ అవుతాయా అన్న అనుమానంతో వున్నారు. ఆ మధ్య కాస్త మంచి పేరు తెచ్చిన మద్రాస్ సినిమాను కూడా తెలుగులోకి తేలేదు. పూర్తి లోకల్ సబ్జెక్ట్ కావడమే ఇందుకు కారణం. మరి కొంబన్ ను ఏం చేస్తారో చూడాలి.