Epaper
మహేష్ బాబు బర్త్ డే వచ్చిందంటే ఏదో ఒక టీజర్ ఉండాల్సిందే. పవన్ కల్యాణ్, ఎన్టీఆర్ పుట్టినరోజులకు టీజర్లు రిలీజ్ అవ్వడం సర్వసాధారణం. కానీ అఖిల్ పుట్టినరోజు నాడు మాత్రం అతడు నటించిన కొత్త సినిమా టీజర్ రిలీజ్ అవ్వడం లేదు. అందుకే ఫ్యాన్స్ కు సారీ చెబుతున్నాడు ఆ నిర్మాత.
ప్రస్తుతం ఏజెంట్ అనే సినిమా చేస్తున్నాడు అఖిల్. సురేందర్ రెడ్డి దర్శకత్వంలో తెరకెక్కుతున్న ఈ భారీ బడ్జెట్ సినిమాకు అనీల్ సుంకర నిర్మాత. ఈరోజు అఖిల్ పుట్టినరోజు. ఈ సందర్భంగా ఏజెంట్ సినిమా నుంచి టీజర్ వస్తుందని అభిమానులు ఆసక్తిగా ఎదురు చూస్తున్నారు. టీజర్ రాకపోయినా కనీసం గ్లింప్స్ రూపంలో ఏదో ఒక వీడియో రిలీజ్ చేస్తారని వాళ్ల ఫీలింగ్. కానీ అందరి ఆశపై అనీల్ సుంకర నీళ్లుచల్లారు.
“అక్కినేని ఫ్యాన్స్ అందరికీ బిగ్ సారీ. ఈరోజు టీజర్ ఇవ్వలేకపోతున్నాను. మేం ది బెస్ట్ ఇవ్వాలనుకుంటున్నాం. దాని కోసం కొంత వెయిటింగ్ తప్పదు. వచ్చే నెలలో మంచి క్వాలిటీతో థియేట్రికల్ టీజర్ ఇస్తానని హామీ ఇస్తున్నాను.”
ఇలా ఈరోజు ఏజెంట్ టీజర్ రావట్లేదని విషయాన్ని బయటపెట్టాడు నిర్మాత. ఓవైపు అఖిల్ కు పుట్టినరోజు శుభాకాంక్షలు చెబుతూనే, మరోవైపు అభిమానులకు చేదువార్త అందించాడు. సో.. ఈరోజు ఏజెంట్ నుంచి పెద్దగా హంగామా ఉండకపోవచ్చు.
అఖిల్ కెరీర్ లోనే బిగ్ బడ్జెట్ తో తెరకెక్కుతోంది ఏజెంట్. ఈ స్పై థ్రిల్లర్ తో సాక్షి వైద్య, టాలీవుడ్ కు హీరోయిన్ గా పరిచయమౌతోంది. హిపాప్ తమిళ ఈ సినిమాకు సంగీతం అందిస్తున్నాడు. వక్కంతం వంశీ ఈ సినిమాకు కథ అందించాడు.