అరవింద్ నే అడగమన్నాడా=మోహన్ బాబు

బోళా శంకరుడు లాంటి నందమూరి బాలయ్య చాట్ షో చేస్తున్నారంటేనే బోలెడు ఆసక్తి. అయితే ఇలాంటి సెలబ్రిటీ షాట్ షో ల్లో ఏముంటుంది.. స్వడబ్బా.. పరడబ్బా. .పరస్పర డబ్బా.. తప్ప అన్నది ఓ నిశ్చితాభిప్రాయం. అయితే బాలయ్య ఏం చేస్తారో అన్న ఆసక్తి అయితే వుంది. 

అన్ స్టాపబుల్ పేరుతో వస్తున్న ఈ చాట్ షో టీజర్ వచ్చింది. ఓకె అనుకున్నారు. ఇప్పుడు ఫస్ట్ ఎపిసోడ్ ప్రోమో వచ్చింది. కచ్చితంగా డిఫరెంట్ గా వుండేలా ట్రయ్ చేసారు. ముఖ్యంగా బాలయ్య గెటప్ బాగుంది. కొత్త విగ్, శాలువా, అన్నీ. ఇప్పటి వరకు దర్శకుడు బోయపాటినే అందంగా చూపించగలడు బాలయ్యను అని ఓ టాక్ వుంది. కానీ ఇప్పుడు ఆహా జనాలు కూడా బాలయ్యను అందంగానే చూపించారు. 

దర్శకుడు బివిఎస్ రవి ఈ చాట్ షో కి స్క్రిప్ట్ అందిస్తున్నారు. ప్రోమోలో దొర్లిన బాలయ్య క్వశ్చన్లు, మోహన్ బాబు కౌంటర్లు బాగానే వున్నాయి. చిరంజీవి మీద నికార్సయిన అభిప్రాయం అడిగితే 'అరవింద్ అడగమన్నాడా' అని మోహన్ బాబు అనడం విశేషం. అలాగే తెలుగుదేశం పగ్గాలు బాలయ్య చేతిలో కాకుండా చంద్రబాబు చేతిలో వుండడంపై మోహన్ బాబు క్వశ్చను చేయడం బాగుంది. 

మొత్తం మీద ప్రోమో ఓ ఆసక్తిని అయితే కలుగచేసింది.