బాబాయ్-అబ్బాయిల కాంబో రెడీ

ఎప్పటి నుంచో విక్టరీ వెంకటేష్ ఫ్యాన్స్ ఎదురుచూస్తున్న కాంబినేషన్ ఒకటి వుంది. రానా దగ్గుబాటి-విక్టరీ వెంకటేష్ కలిసి చేయబోయే సినిమా అది.

ఇప్పటి వరకు ఆ కాంబినేషన్ ఎందుకో సెట్ కాలేదు. ఇప్పుడు ఫైనల్ అయిందట. ఈ విషయాన్ని రానా నే స్వయంగా వెల్లడించాడు.

ఈ కరోనా హడావుడి అంతా ముగిసిన తరువాత వెంకీ-రానా సినిమా ప్రకటన వస్తుందట. ఈ సినిమాను సురేష్ బ్యానర్ మీదే  వుంటుదని చెప్పారు. ఎప్పటి నుంచో ఈ కాంబినేషన్ కావాలని అడుగుతున్నారని ఇప్పుడు కరోనా కారణంగా టైమ్ వచ్చిందని అన్నారు.

గతంలో కథలు వినడానికి టైమ్ దొరికేది కాదని, ఇప్పుడు కరోనా కారణంగా టైమ్ దొరికిందని అలా దొరికిన కథల్లో బాబాయ్-అబ్బాయ్ ల కథ ఒకటి అని అన్నారు.

ఆ కథను పాలిష్ చేసి, అంతా రెడీ చేసామని చెప్పారు. అయితే ఈ కథ ఎవరు చెప్పారు? డైరక్టర్ ఎవరు? అన్నది రానా క్లారిటీ ఇవ్వలేదు. త్వరలో అన్ని విషయాలు వెల్లడిస్తామన్నారు. 

త్వరలో తమ పిల్మ్ ఇన్ స్టిట్యూట్ విద్యార్ధులు తయారుచేసే రెండు షార్ట్ ఫిలిమ్స్ లో తాను నటిస్తున్నా అని రానా వెల్లడించడం విశేషం.

చంద్రబాబు బీజేపీని కూడా మేనేజ్ చేశారా?