Epaper
కరోనా విపత్తు కారణంగా ‘పుష్ప’ షూటింగ్ డిలే అవడంతో ఆ క్యారెక్టర్ కోసం ప్రిపేర్ అవడానికి అల్లు అర్జున్‌కి ఎక్స్‌ట్రా టైమ్ దొరికింది.
సుకుమార్ చాలా కాలం నుంచి వెయిటింగ్‌లో వుండడం వల్ల ఈ క్యారెక్టర్ కోసం ప్రిపేర్ అవడానికి అల్లు అర్జున్‌కి ఎక్కువ సమయం దొరకలేదు. దాంతో జుట్టు, గడ్డం మాత్రం పెంచేసి ఫోటోషూట్ చేసేసాడు.
అల్లు అర్జున్ స్టయిలిష్ లుక్స్‌కి పూర్తి విభిన్నమయిన పుష్ప లుక్‌కి మంచి స్పందనే వచ్చింది. అయితే ఆ క్యారెక్టర్‌కి మరింత ఐడెంటిటీ ఇవ్వడానికి, లుక్ పరంగా మరిన్ని ప్రత్యేకతలు చూపించడానికి అల్లు అర్జున్‌కి ఈ బ్రేక్‌లో ఛాన్స్ చిక్కింది. అందుకే ఈ టైమ్ అందుకోసం కేటాయిస్తున్నాడట.
ప్రతి క్యారెక్టర్ కోసం హోమ్‌వర్క్ చేసే అల్లు అర్జున్ పుష్పగా గుర్తుండిపోయే విధంగా తన మార్కు టచెస్ ఇస్తున్నాడట.
ఇకపోతే ఈ చిత్రానికి బాణీలను దేవిశ్రీప్రసాద్ ఓకే చేసేయగా, సుకుమార్ కూడా ఏకబిగిన షూటింగ్ చేయడానికి కావాల్సిన ప్రీ ప్రొడక్షన్ వర్క్ రెడీ చేసేసి పెట్టుకున్నాడట. షూటింగ్‌కి వెళితే అరు నెలలలో పూర్తి చేసేలా పుష్ప టీమ్ సర్వ సన్నద్ధమయి వుందట.