Epaper
భువన విజయమ్ అనే చిన్న సినిమా వస్తోంది. సునీల్ హీరో. బోలెడు మంది కమెడియన్లు పాత్ర ధారులు. ఈ సినిమా మొదటి నుంచీ కాస్త వైవిధ్యమైన కంటెంట్ ను విడుదల చేస్తూ, ఆకట్టుకుంటోంది.
టీజర్, ఇతరత్రా కంటెంట్ మరీ దారుణంగా వైరల్ కాలేదు కానీ, చూసిన వాళ్లంతా సినిమాలో ఏదో సమ్ థింగ్ వుంది. ఫన్ బాగుంది అనుకుంటూ వస్తున్నారు. ఇప్పుడు. ఈ సినిమా ట్రయిలర్ వచ్చింది. కేవలం ఫన్ మాత్రమే కాదు, సినిమా రంగం మీద సెటైర్, ఆపై నిర్మాతల సెంటిమెంట్, కాస్త కన్నీరు టచ్ కూడా వున్నాయని చూపించింది.
ఇప్పటి వరకు వచ్చిన కంటెంట్ కేవలం ఫన్ యాంగిల్ ను మాత్రమే చూపిస్తే, ట్రయిలర్ కాస్త టర్నింగ్ ఇచ్చుకుని, ఫాంటసీ, సెటైర్, సెంటిమెంట్ ల మిక్స్ లా సినిమాను ప్రొజెక్ట్ చేసింది. ఓ మనిషిని యమభటులు తీసుకెళ్లడానికి రావడం, పనిలో పనిగా మరో ప్రాణిని కూడా తీసుకెళ్లడానికి ఓ సినిమా ఆఫీసుకు వెళ్తారు. అక్కడ నుంచి అసలు డ్రామా మొదలవుతుంది.
సినిమా నిర్మాణం వెనుక పాట్లు, నిర్మాతల అగచాట్లు, తెరపైన కాకుండా తెర వెనుక విలనిజం, బాధలు, కష్టాలు అన్నీ కలగలిపి సినిమా రన్ చేసినట్ల కనిపిస్తోంది. కేవలం ఫన్ వుంటే ఆ ఛమక్కు వేరు. కానీ ఇవన్నీ కలపడం వల్ల ట్రయిలర్ లో కంటెంట్ రివీల్ చేయడం వరకు బాగానే వుంది. కానీ ఫన్ కోసం చూసే జనాలు ఈ సెంటిమెంట్ అద్దకాన్ని ఎంత వరకు రిసీవ్ చేసుకుంటారా అన్నదే అనుమానం.