చైతన్య కు ‘బంగార్రాజు’ బుద్దులు?

సోగ్గాడే చిన్నినాయనా సినిమాలో బంగార్రాజు ఆకాశం నుంచి కిందకు దిగి వస్తాడు ఎందుకు? కొడుకు నాగ్ మరీ పప్పు సుద్దలా వున్నాడని. అది సరే, మరి ఆ సినిమా సీక్వెల్ బంగార్రాజు లో మళ్లీ ఎందుకు దిగివస్తాడు?  అసలు బంగార్రాజు సీక్వెలా? ప్రీక్వెలా? ఇలాంటి ప్రశ్నలు అనేకం వున్నాయి.

అయితే సీక్వెలా? ప్రీక్వెలా? అన్న సంగతి అలా వుంచితే ఈసారి జూనియర్ క్యారెక్టర్ మాత్రం పప్పు సుద్ద టైపు కాదట. పక్కా కాసనోవా టైపు అంట. అంటే సీనియర్ బంగార్రాజు మాదిరి అన్నమాట. ఈ బంగార్రాజు బుద్దులు జూనియర్ బంగార్రాజు అయిన చైతన్యకు ఎక్కువ అయిపోవడంతో, ఈసారి వాటిని కంట్రోలు చేయడానికి వస్తాడట.

కళ్యాణ కృష్ణ తయారు చేసిన సినిమా స్క్రిప్ట్ సూపర్ గా వచ్చిందని, అందుకే నాగ్ ఇంతలా వెయిట్ చేసి మరీ స్టార్ట్ చేసాడని తెలుస్తోంది. 47 కోట్లకు జీ వాళ్లు కొనేసుకున్నారు ఫస్ట్ కాపీని. 

ఎంతగా రెమ్యూనిరేషన్లు, ప్రొడక్షన్ కాస్ట్ వేసుకున్నా నాగ్ కు ఈ సినిమాతో కనీసం పది కోట్లు లాభం వుంటుంది. ఆ రేంజ్ లాభం కోసం ఆకాశం నుంచి దిగి రావాల్సిందే తప్పదు.