Epaper
బొమ్మరిల్లు ఫాదర్ అని పిలిపించుకోవడం అంటే దిల్ రాజుకు ఎంత ఇష్టమో. బయట ప్రెస్ మీట్లలో కూడా ఇలాగే వ్యవహరించాలని తెగ ఉబలాటపడిపోతుంటారు. దిల్ రాజు ప్రెస్ మీట్ లో వుంటే మిగిలిన వారిని మాట్లాడనివ్వరు. అడ్డం పడిపోయి తానే సమాధానాలు ఇచ్చేస్తుంటారు. పైగా అలా చేయడం వల్ల తాను స్టేజ్ పై వున్న వారందరికీ ఓ రక్షకుడిగా వ్యవహరిస్తున్నారని ఆయన అనుకుంటారు.
శాకుంతలం విడుదల సందర్భంగా దర్శకుడు గుణశేఖర్..హీరోయిన్ సమంత..నిర్మాత దిల్ రాజు కలిసి మీడియాతో క్వశ్చన్ అండ్ ఆన్సర్ సెషన్ నిర్వహించారు. ఈ సెషన్ లో ఎవరు సమంతని క్వశను అడిగినా సమాధానం మాత్రం దిల్ రాజు నుంచే వచ్చింది.
ఆమెను చెప్పనివ్వవచ్చు కదా అంటే ఆమె ఇబ్బంది పడకుండా చూడడమే తన డ్యూటీ అనేట్లు సమాధానం ఇచ్చారు. అయినా సమంతను సమాధానం చెప్పమంటే, దిల్ రాజు నే ప్రాప్టింగ్ ఇస్తారు.
మొత్తం మీద క్యూ అండ్ ఎ సెషన్ అంతా సమంత మీద ప్రశ్న వాలకుండా చూసుకున్నారు దిల్ రాజు. సమంత బాగా కష్టపడుతోందని, వేరే సినిమాలు వుండడం వల్ల వాటికి అనుగుణంగా తామే ప్లాన్ చేసి వేరే ప్రాంతాల్లో పబ్లిసిటీ చేయిస్తున్నాం తప్ప, ఆమె వంతు పాత్ర అస్సలు లేదని చెప్పుకువచ్చారు.
మొత్తం మీద ఇటు తన ప్రశ్నలకు తానే సమాధానం చెప్పి, సమంత ను అడిగినా తానే బదులిచ్చి డబుల్ రోల్ దిగ్విజయంగా చేసేసారు దిల్ రాజు.