గోపీచంద్ మలినేని..జై బాలయ్య

జై బాలయ్య అన్నది హీరో బాలకృష్ణ ఫ్యాన్స్ ను ఊగింపచేసే పదం. ఇప్పుడు ఆ పదాన్నే టైటిల్ గా వాడితే ఎలా వుంటుందని ఆలోచిస్తున్నారు దర్శకుడు గోపీచంద్ మలినేని. 

హీరో బాలయ్యతో మైత్రీ మూవీస్ పతాకంపై ఆయన చేయబోయే సినిమా నవంబర్ నుంచి మొదలవుతుంది. ఈ సినిమాకోసం చాలా టైటిళ్లు ఆలోచిస్తున్నారు. 

ఇప్పటికి జై బాలయ్య అనే టైటిల్ అయితే రిజిస్టర్ చేసి వుంచారు. నవంబర్ లో సినిమా ఓపెనింగ్ నాటికి మరో మంచి క్యాచీ టైటిల్ దొరికితే సరే, లేదూ అంటే జై బాలయ్య అన్నదే టైటిల్ అవుతుంది. 

క్రాక్ సినిమా విజయం తరువాత గోపీచంద్ మలినేని-బాలయ్య కాంబినేషన్ మీద క్రేజ్ పెరిగింది. మాంచి మాస్ కథాంశంతో అనంతపురం ఏరియా బ్యాక్ డ్రాప్ లో ఈ సినిమాకు కథను తయారుచేసుకున్నారు.