Epaper
తెలుగు సినీ హీరోల రెమ్యూనిరేష‌న్ ఫిగ‌ర్లే క‌ళ్లు చెదిరేలా ఉన్నాయ‌నుకుంటే.. బాలీవుడ్ స్టార్ల రెమ్యూనిరేష‌న్లు ఆకాశాన్ని అంటుతున్న‌ట్టుగా ఉన్నాయి. సినిమాల సంగ‌త‌లా ఉంటే.. సర‌దా స‌ర‌దాగా కూడా వాళ్లు కోట్ల రూపాయల ఆదాయాన్ని పొందుతున్నార‌నే టాక్ వినిపిస్తోంది. అందుకు స‌రైన ఉదాహ‌ర‌ణ.. బిగ్ బాస్ ప్రోగ్రామ్ కు స‌ల్మాన్ ఖాన్ పొందుతున్న ఆదాయం. సీజ‌న్ 15కు స‌ల్మాన్ ఖాన్ హోస్టుగా వ్య‌వ‌హ‌రించ‌బోతున్నాడు.
ఈ నేప‌థ్యంలో ఈ షో కు గానూ స‌ల్మాన్ ఖాన్ ఏకంగా 350 కోట్ల రూపాయల పారితోషికాన్ని అందుకోనున్నాడ‌ట! మొత్తం 14 వారాల పాటు ఈ ప్రోగ్రామ్ ప్ర‌సారం కానుంది. అంటే.. వారానికి స‌ల్మాన్ పొంద‌బోయే జీతం 25 కోట్ల రూపాయ‌లు! అది కూడా వార‌మంతా క‌నిపించేది ఏమీ ఉండ‌దు.
వీకెండ్ ఎపిసోడ్ల‌లో మాత్ర‌మే క‌నిపించాల్సి ఉంటుంది. అయినా కూడా స‌ల్మాన్ ఇమేజ్ మీదే బిగ్ బాస్ వ్యూస్ ఆధార‌ప‌డి ఉంటాయ‌ని నిర్వాహ‌కులు భావిస్తున్న‌ట్టుగా ఉన్నారు. అందుకే ఈ రికార్డు స్థాయి పారితోషికాన్ని ఆఫ‌ర్ చేస్తున్న‌ట్టుగా ఉన్నారు. అధికారిక స‌మాచారం కాక‌పోయినా.. స‌ల్మాన్ ఖాన్ బిగ్ బాస్ షోకు అందుకుంటున్న ఈ పారితోష‌కం అదిర‌పోయే రేంజ్ లో ఉంద‌ని మాత్రం స్ప‌ష్టం అవుతోంది.
దేశ‌మంతా రీజ‌న‌ల్ లాంగ్వేజ్ ల‌లో కూడా బిగ్ బాస్ హోస్టులుగా స్టార్ హీరోల‌నే నిల‌బెడుతున్నారు. ఇక హిందీ బిగ్ బాస్ కు హిదీ బెల్ట్ అంతా వ్యూస్ ఉండే అవ‌కాశం ఉంది. దీంతో యాడ్ రెవెన్యూ భారీ స్థాయిలో ఉండ‌వ‌చ్చు, అలాంట‌ప్పుడు స‌ల్మాన్ కు కూడా ఇలా భారీ స్థాయిలోనే గిట్టుబాటు అవుతుండ‌వ‌చ్చు. 350 కోట్ల రూపాయల పారితోషికంతో బాలీవుడ్ లో త‌న‌కు సాటీపోటీ లేద‌ని స‌ల్మాన్ కూడా నిరూపించుకుంటున్న‌ట్టుగా అవుతోంది.