మహేష్ డ్యాన్స్ లు కుమ్మేసాడు

సరిలేరు నీకెవ్వరు సినిమా పోస్ట్ ప్రొడక్షన్ వర్క్ స్టార్ట్ అయింది. డబ్బింగ్ పనులు పూర్తవుతున్నాయి. దీంతో సినిమా విశేషాలు ఒక్కోక్కటిగా బయటకు వస్తున్నాయి. ముఖ్యంగా ఈ సినిమాలో మహేష్ డ్యాన్స్ లు విరగదీసాడని తెలుస్తోంది. మహేష్ పెద్దగా డ్యాన్స్ లు చేయడని టాక్ వుంది. ఆ కామెంట్ ను సరిలేరు నీకెవ్వరు సినిమా పక్కకు తీసేస్తుందని తెలుస్తోంది.

అటు తమన్నా అయిటమ్ సాంగ్ లో కానీ, ఇటు మైండ్ బ్లాంక్ సాంగ్ కు కానీ మహేష్ స్టెప్ లు విరగదీసాడని తెలుస్తోంది. మిలటరీ లో ఫేర్ వెల్ పార్టీ లాంటి సన్నివేశంలో తమన్నా అయిటమ్ సాంగ్ వస్తుంది. ఈ పాటలో తమన్నాతో మహేష్ కాలు కదిపి మంచి స్టెప్ లు వేసాడట.

ఇక మైండ్ బ్లాక్ సాంగ్ లో అయితే మహేష్ స్టెప్ లు కొత్త మహేష్ బాబును చూపిస్తాయని డబ్బింగ్, ఎడిటింగ్ రూమ్ ల నుంచి వచ్చిన సమాచారం. మొత్తం మీద ఈ సంక్రాంతికి ఫ్యాన్స్ కు మహేష్ స్టెప్స్ తో పండగ ఖాయంగా వుంది. మాస్ పల్స్ తెలిసిన అనిల్ రావిపూడి ఎలా అయితే మహేష్ ఫ్యాన్స్ ఖుషీ అవుతారో, ఆ దిశగా వెళ్లినట్లు కనిపిస్తోంది.