Epaper
మళ్లీరావా…ఏజెంట్ శ్రీనివాస ఆత్రేయ లాంటి విభిన్నమైన మంచి సినిమాలు అందించిన బ్యానర్ నుంచి వస్తున్న మరో ఇంట్రస్టింగ్ సినిమా మసూద.ఈ సినిమా ట్రయిలర్ విడులయింది. ఇప్పటి వరకు మసూద అనే టైటిల్ తప్ప మరేం తెలియదు. విడుదల దగ్గరకు రావడంతో ట్రయిలర్ వదిలారు. ఇప్పుడు పక్కా క్లారిటీ వచ్చింది. హర్రర్ థ్రిల్లర్ ఙానర్ సినిమా అని. స్వధర్మ్ ఎంటర్‌టైన్‌మెంట్ బ్యానర్‌లో నిర్మాత రాహుల్ యాదవ్ నిర్మించిన మూడో చిత్రం ‘మసూద’.
భవిష్యత్ అనేది మనం ఈ రోజు ఏం చేస్తున్నామో అనేదానిపై ఆధారపడి ఉంటుంది.. అనే డైలాగ్‌తో మొదలైన ఈ ట్రైలర్.. అడుగడుగునా ఆసక్తికరంగా ఉంది. తల్లికూతుళ్ల మధ్య ప్రేమ, మధ్య తరగతి కుటుంబాల బాధలు, స్నేహం, ప్రేమ వంటి అన్ని కోణాలను టచ్ చేస్తూ నడిచిన ఈ ట్రైలర్.. ఒక్కసారిగా హర్రర్ ఎలిమెంట్స్‌తో భయపెట్టేస్తోంది. ‘అప్పుడే భయపడాల్సిన అవసరం లేదు.. అస్సలు భయం ముందుంది’ అని చిత్ర బృందం చెబుతున్న తీరు చూస్తుంటే.. హర్రర్ ఎలిమెంట్స్ జస్ట్ టచ్ మాత్రమే చేశామని చెప్పకనే చెప్పేశారు.
ట్రయిలర్ ను హీరో విజ‌య్ దేవరకొండ విడుదల చేసారు. ఈ సందర్బంగా..‘మసూద’ ట్రైలర్ అద్భుతంగా ఉందని అన్నారు. అన్ని కార్యక్రమాలు పూర్తి చేసుకున్న ఈ చిత్రం నవంబర్ 18న ప్రపంచవ్యాప్తంగా గ్రాండ్‌గా విడుదల కాబోతోంది. నవంబర్ 18 వరకు వెయిట్ చేయకతప్పదు. కాగా, ఈ చిత్రాన్ని తెలుగు రాష్ట్రాల్లో దిల్ రాజు తన ఎస్‌విసి బ్యానర్ ద్వారా విడుదల చేస్తున్నారు. సంగీత, తిరువీర్, కావ్య కళ్యాణ్ రామ్, శుభలేఖ సుధాకర్, అఖిలా రామ్, బాంధవి శ్రీధర్, సత్యం రాజేష్, సత్య ప్రకాష్, సూర్యారావు, సురభి ప్రభావతి, కృష్ణతేజ తదితరులు నటించిన ఈ చిత్రానికి రచన, దర్శకత్వం: సాయికిరణ్. నిర్మాత నక్కా రాహుల్ యాదవ్.