4న ‘మిస్టర్ సెలెబ్రిటీ’

ఇండస్ట్రీలో ప్రస్తుతం కొత్త నీరు ప్రవహిస్తోంది. కొత్త తరం హీరోలు, దర్శకులు భిన్న కథలు, కాన్సెప్టులతో హిట్లు కొడుతున్నారు. ఇక సోషల్ మీడియా యుగంలో సెలెబ్రిటీల మీద రకరకాల గాసిప్‌లు స‌ర్వసాధారణమయ్యాయి. ఇలాంటి ఓ ట్రెండీ, సెన్సిబుల్ టాపిక్ మీద మిస్టర్ సెలెబ్రిటీ అనే సినిమా రాబోతోంది.

ఈ చిత్రంతో పరుచూరి వారసుడు ఇండస్ట్రీకి పరిచయం కాబోతున్నారు. పరుచూరి వెంకటేశ్వరరావు మనవడు పరుచూరి సుదర్శన్ హీరోగా.. ఆర్‌పి సినిమాస్ బ్యానర్ మీద చిన్న రెడ్డయ్య, ఎన్. పాండు రంగారావు నిర్మాతలుగా రాబోతోన్న ఈ మూవీకి చందిన రవి కిషోర్ దర్శకత్వం వహించారు. ఇక ఈ చిత్రంలో వరలక్ష్మీ శరత్ కుమార్, శ్రీ దీక్ష, నాజర్, రఘుబాబు వంటి వారు ముఖ్య పాత్రలను పోషించారు.

ఇప్పటికే ఈ చిత్రం నుంచి వచ్చిన టీజర్, పాటలు, పోస్టర్లు అందరినీ ఆకట్టుకున్నాయి. తాజాగా ఈ చిత్రానికి సంబంధించిన రిలీజ్ డేట్ పోస్టర్‌ను పరుచూరి బ్రదర్స్ రిలీజ్ చేశారు. అక్టోబర్ 4న ఈ చిత్రం రాబోతోందని, దర్శక నిర్మాతలు ఎక్కడా కాంప్రమైజ్ కాకుండా ఈ మూవీని తెరకెక్కించారని పరుచూరి బ్రదర్స్ అన్నారు.

తమ మనవడు హీరోగా పరిచయం కాబోతున్నాడని, ప్రేక్షక దేవుళ్లంతా కూడా ఆదరించి మంచి విజయాన్ని కట్టబెట్టాలని కోరారు. ఈ చిత్రం అందరినీ ఆకట్టుకుంటుందని పరుచూరి బ్రదర్స్ అన్నారు.