ఎన్టీఆర్ తో మహేష్ బాబు

కాంబినేషన్ కరెక్టే. కానీ సినిమా కాదు. ఎవరు మీలో కోటీశ్వరులు గేమ్ షో కి గెస్ట్ గా వెళ్లబోతున్నారు మహేష్ బాబు. ఈ కార్యక్రమాన్ని ఎన్టీఆర్ హోస్ట్ చేస్తున్న సంగతి తెలిసిందే. 

జెమినిలో ప్రసారం అవుతున్న ఈ కార్యక్రమం ప్రారంభంలో రామ్ చరణ్ పాల్గొన్నారు. లేటెస్ట్ గా మరో ప్రోమో బయటకు వచ్చింది. దాంట్లో దర్శకులు రాజమౌళి, కొరటాల శివ పాల్గొన్నారు.

ఇప్పుడు మహేష్ బాబు వంతు వచ్చింది. మహేష్ పాల్గొనే ఎపిసోడ్ ను ఈ ఆదివారం రికార్డు చేస్తారు. ఎప్పుడు ప్రసారం చేస్తారన్నది తెలియాల్సి వుంది. 

ప్రస్తుతం అటు బిగ్ బాస్, ఇటు ఎవరు మీలో కోటీశ్వరులు కార్యక్రమాలు పోటా పోటీగా సాగుతున్నాయి. టీఆర్పీలు పెంచడానికి ఎవరి ప్రయత్నాలు వారు చేస్తున్నారు. 

బిగ్ బాస్ లోకి కానీ బిగ్ బాస్ స్టేజ్ మీదకు కానీ సెలబ్రిటీలు ఇంకా అడుగుపెట్టలేదు. ఎవరు మీలో కోటీశ్వరులు షో కి మాత్రం సెలబ్రిటీల కొరత లేనట్లే కనిపిస్తోంది.