Epaper
యంగ్ హీరో శర్వాకు మంచి చాన్స్ వచ్చింది. పాన్ ఇండియా మల్టీ స్టారర్ లో నటించబోతున్నాడు. దశాబ్దాల తరువాత సౌత్ ఇండియా సూపర్ స్టార్ రజనీ కాంత్, బాలీవుడ్ సూపర్ స్టార్ అమితాబ్ కలిసి నటించబోతున్నారు. ఈ సినిమాలో మూడో కీలకమైన పాత్రకు శర్వానంద్ ను తీసుకున్నారు.
రజనీ కాంత్ కు ఇది 170 వ సినిమా. రజనీ-అమితాబ్ కాంబినేషన్ లో కీలక సినిమాలు వున్నాయి. ఇన్నాళ్ల తరువాత ఆ ఇద్దరి కాంబినేషన్ అంటే క్రేజ్ మామూలుగా వుండదు. అసలే, జైలర్ సూపర్ డూపర్ హిట్ అయింది.
ఇలాంటి క్రేజీ ప్రాజెక్ట్ లోకి శర్వా ఎంటర్ అవుతున్నారు. శర్వా ప్రస్తుతం పీపుల్స్ మీడియా పతాకం మీద శ్రీరామ్ ఆదిత్య డైరక్షన్ లో ఓ సినిమా చేస్తున్నాడు. రెండు మూడు బ్యానర్లతో కమిట్ మెంట్ వుంది కానీ కథలు, డైరక్టర్లు ఫిక్స్ కాలేదు. అందరూ అనుకుంటున్నట్లు మెగాస్టార్ – కళ్యాణ్ కృష్ణ సినిమాలో అయితే శర్వా చేయడం లేదు. ఈ రోజుకు అయితే ఆ కమిట్ మెంట్ ఏమీ లేదు.
లేటస్ట్ గా ఓకె చేసింది అమితాబ్-రజనీ సినిమా మాత్రమే. మేకోవర్ అయిన తరువాత శర్వా అంత త్వరగా సినిమాలు ఓకె చేయడం లేదు. కథల విషయంలో, ప్రాజెక్ట్ ల విషయంలో చాలా కీలకంగా వున్నాడు.